1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

’مردے چور‘ گرفتار

کراچی میں پولیس حکام نے قبروں سے مردوں کی ہڈیاں نکال کر کالا جادو کرنے والوں کو بیچنے کے الزام میں دو افراد کو گرفتار کیا ہے۔ یہ گرفتاری قبروں سے انسانی ہڈیاں چوری ہونے کی رپورٹوں کے بعد کی گئی۔

default

پاکستانی میڈیا کی رپورٹوں کے مطابق ان دونوں افراد کو کراچی کے قبرستان میں منگل کی شب ایک چھاپے کے دوران گرفتار کیا گیا۔ انہیں گلشنِ معمار کے قبرستان سے حراست میں لیا گیا۔

کراچی پولیس کے مطابق گڈاپ ٹاؤن کے قبرستان میں چالیس سے زائد قبروں کے کھودے جانے اور وہاں سے مردوں کی ہڈیاں یا جسم کے دوسرے حصے غائب ہونے کی شکایات پر اہل علاقہ کی طرف سے شدید احتجاج سامنے آیا تھا۔ ان شکایات کے بعد مختلف قبرستانوں میں سادہ کپڑوں میں پولیس اہلکار تعینات کر دیے گئے تھے۔

نام نہاد ’روحانی بابے کالے جادو کے ذریعے کینسرمختلف امراض کے علاج کے دعوے بھی کرتے ہیں

نام نہاد ’روحانی بابے کالے جادو کے ذریعے کینسرمختلف امراض کے علاج کے دعوے بھی کرتے ہیں

ایک پاکستانی ٹیلی وژن چینل دنیا نیوز نے گرفتار کیے جانے والے افراد کے حوالے سے بتایا ہے کہ وہ قبروں سے چوری شدہ انسانی ہڈیاں کالا جادو کرنے والوں کو فروخت کرتے تھے، جو بھاری رقوم کے عوض لوگوں کے لیے جادو ٹونہ کرتے ہیں۔

پاکستان میں جادو ٹونہ کرنے والے ’بابے‘ بکثرت موجود ہیں اور کمزور اعتقاد کے لوگ اپنے کام کرانے کے لیے ایسے جعلسازوں کو بڑی بڑی رقوم دے کر اپنے مقاصد حاصل کرنے کی کوشش کرتے ہیں۔ یہ نام نہاد ’روحانی بابے‘ تعویز گنڈے اور کالے جادو کے ذریعے مختلف امراض کے علاج کے دعوے بھی کرتے ہیں جن میں بے اولادی، کینسر، دل کے امراض سمیت ہر طرح کی بیماریاں شامل ہوتی ہیں۔ ایسے لوگ قسمت کی خرابی دور کرنے، امتحان میں کامیابی، پرائز بانڈ کے نمبر بتانے اور محبوب کا دل جیتنے میں کامیابی کے بھی دعویدار ہوتے ہیں۔

رپورٹ: افسر اعوان / خبر رساں ادارے

ادارت: مقبول ملک

ویب لنکس