1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

صحت

مخصوص حالات میں کم خوابی بھی زیادہ وزن کا سبب

یہ سچ ہے کہ زیادہ سونا، کھانا اور کم ورزش کسی بھی انسان کے وزن میں اضافے کا سبب بنتے ہیں لیکن اب ماہرین نے ایسی نئی ریسرچ مکمل کر لی، جس کے مطابق مخصوص حالات میں کم سونا بھی وزن میں اضافے کا سبب بن سکتا ہے۔

default

امریکہ میں نیو یارک سے ملنے والی رپورٹوں میں خبر ایجنسی روئٹرز نے نیند کی وجہ سے پیدا ہونے والے جسمانی اور نفسیاتی مسائل پر تحقیق کرنے والے امریکی ماہرین کا حوالہ دیتے ہوئے بتایا ہے کہ اب یہ بات ثابت ہو گئی ہے کہ کم خوابی کا جسمانی وزن میں اضافے کے ساتھ بہرحال ایک واضح تعلق موجود ہے۔

Teller Messer Gabel Besteck Pillen Medikamente

تحقیق کے مطابق وزن بڑھنے کا تعلق محض خوراک ہی سے نہیں

پنسلوانیا یونیورسٹی کے نیند سے متعلقہ امور اور مسائل کا طبی مطالعہ کرنے والے ایک ماہر مائیکل گارڈنر کے بقول بہت تھوڑی نیند لینے والے افراد اپنی توانائی کی ضروریات کو پورا کرنے کے لیے مقابلتاﹰ زیادہ خوراک کھاتے ہیں۔ لیکن اگر وہ اس طرح اپنے جسم کا حصہ بننے والی زیادہ کیلوریز کو استعمال نہ کریں تو ان میں سے اکثر کو وزن میں اضافے کا سامنا رہتا ہے۔

اس طرح یہ ثابت ہو گیا ہے کہ کم خوابی کا مخصوص شرائط کے تحت جسمانی وزن میں اضافے سے تعلق تو ہے تاہم یہ قطعاﹰ لازمی نہیں کہ صرف بہت کم سونا ہی اپنے طور پر موٹاپے کی وجہ بنے۔

مائیکل گارڈنر کے بقول ابھی اس بارے میں مزید ریسرچ کی ضرورت ہے کہ کم خوابی یا بے خوابی کے جسمانی وزن پر اثرات کی طبی تفصیلات کیا ہیں اور ان کے نتائج کس طرح سامنے آتے ہیں۔ تاہم یہ بات طے ہے کہ وزن کم ہو یا زیادہ، انسانی جسم کو مناسب حد تک نیند کی ضرورت ہوتی ہے اور ’کافی نیند ہر انسان کی ترجیح ہونی چاہیے‘۔

رپورٹ: مقبول ملک

ادارت: شادی خان سیف

DW.COM