1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

محمد یوسف نے کرکٹ کو خیر باد کہہ دیا

پاکستان کے سٹار بیٹسمین محمد یوسف نے پاکستان کرکٹ بورڈ کی اُن کے تئیں ’جانبدارانہ‘ پالیسیوں سے خفا ہوکر پیر کے روز کرکٹ کے کھیل کو ہمیشہ کے لئے خیر باد کہہ دیا۔

default

سٹار بیٹسمین محمد یوسف ریٹائر ہوگئے

کرکٹ بورڈ نے آسٹریلیا کے حالیہ ناکام دورے کے بعد یونس خان کی طرح محمد یوسف پر بھی غیر معینہ عرصے تک کی پابندی عائد کر دی تھی، جس کے رد عمل میں اب یوسف نے بین الاقوامی کرکٹ سے ریٹائرمنٹ کا فیصلہ کیا ہے۔

Kombobild Mohammad Yusuf und Younis Khan

یونس خان اور محمد یوسف

محمد یوسف اس سے پہلے بھی کئی مرتبہ تنازعات کا شکار رہے ہیں۔ انہوں نے انٹرنیشنل کرکٹ کونسل ’آئی سی سی‘ سے غیر تسلیم شدہ انڈین کرکٹ لیگ ’آئی سی ایل‘ میں شرکت کر کے قومی کرکٹ بورڈ کو ناراض کر دیا تھا۔ یوسف کی کپتانی میں پاکستان کو آسٹریلیا کے ہاتھوں تین ٹیسٹ میچوں کی سیریز میں عبرتناک شکست ہوئی، جس کے بعد تقریباً سبھی حلقوں کی جانب سے ان کی قیادت پر انگلیاں اٹھائی گئی تھیں۔

88 ٹیسٹ میچوں میں اپنے ملک کی نمائندگی کرنے والے یوسف نے تقریباً ساڑھے سات ہزار جبکہ 282 ون ڈے میچوں میں 9624 رنز بنا رکھے ہیں۔ یوسف نے کل انتالیس سنچریاں سکور کی ہیں، جن میں چوبیس ٹیسٹ اور پندرہ ون ڈے سنچریاں شامل ہیں۔

رپورٹ: گوہر نذیر گیلانی/ خبر رساں ادارے

ادارت: مقبول ملک

DW.COM

Audios and videos on the topic