1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

محمد عباس کی وینکوور اولمپک مقابلوں میں شرکت

سرمائی اولمپک مقابلوں میں حصہ لینے والے پہلے پاکستانی کھلاڑی محمد عباس نے الپائن اسکیینگ میں79 ویں پوزیشن حاصل کی۔ اسی دوڑ میں ایک بھارتی کھلاڑی نے بھی حصہ لیا تاہم وہ محمد عباس سے پندرہ سیکنڈ پیچھے رہا۔

default

وینکوور میں جاری سن 2010ء کے مقابلوں میں چوبیس سالہ محمد عباس پاکستان کے واحد نمائندے ہیں۔ الپائن اسکیینگ ایونٹ میں ساٹھ ممالک سے تعلق رکھنے والے ایک سو تین کھلاڑیوں نے شرکت کی۔ پاکستانی کھلاڑی نے اپنا مطلوبہ راستہ تین منٹ اکیس سکینڈز میں مکمل کیا۔ جو اس ایونٹ میں پہلے نمبر پر آنے والے کھلاڑی سے 42 سیکنڈ زیادہ تھا۔

Ski Cross Männer 21.02.2010 Olympia Kanada Vancouver 2010 Flash-Galerie

پہلی مرتبہ کسی پاکستانی کھلاڑی نے سرمائی اولمپک مقابلوں میں شرکت کی ہے

محمد عباس پاکستان فضائیہ کے ملازم ہیں اور انہوں نے یہ کھیل باقاعدہ طور پر نہیں سیکھا بلکہ خود ہی اپنے شوق کی وجہ سے اس مقام تک پہنچے۔ وہ اپنے استاد خود ہیں تاہم پاکستان فضائیہ نے بعد ازاں ان کا یہ شوق دیکھنے کے بعد انہیں باقاعدہ تربیت بھی دلوائی اور انہیں وینکوور اولمپک مقابلوں میں کوالیفائی کروانے میں بھی اہم کردار ادا کیا۔

پاکستان فیڈریشن آف اسکیینگ کی طرف سے محمد عباس پہلے بھی کئی عالمی مقابلوں میں شریک ہوچکے ہیں اور انہوں نے اچھا پرفارم کیا ہے۔

رپورٹ عاطف بلوچ

ادارت شادی خان سیف

DW.COM