1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

مبینہ امریکی میزائل حملہ، متعدد افراد ہلاک

پاکستانی قبائلی علاقے شمالی وزیرستان ایجنسی کے مغربی حصے میں جمعہ کی سحرکے اوقات میں ایک مکان پرامریکی جاسوس طیارے کے ایک مبینہ میزائل حملے میں گیارہ افراد ہلاک ہو گئے۔

default

حالیہ ہفتوں کے دوران افغانستان کے ساتھ سرحد کے قریب پاکستانی قبائلی علاقوں میں مبینہ امریکی میزائل حملوں میں اب تک درجنوں افراد مارے جا چکے ہیں۔

حملے میں مکان سے ملحقہ ایک مدرسے کو بھی نشانہ بنایا گیا اور جاسوس طیارے سے فائر کئے گئے کل تین میزائلوں کے حملے میں تیرہ افراد زخمی بھی ہو گئے۔ مقامی میڈیا کے مطابق جاسوس طیارے نے رات تین بجے شمالی وزیرستان کی تحصیل گڑیوم میں امیر گل نامی شخص کے مکان کو نشانہ بنایا جو عسکریت پسندوں کا حامی بتایا گیا ہے۔

بین الاقوامی ذرائع ابلاغ نے اس میزائل حملے میں آٹھ افراد کی ہلاکت کی تصدیق کردی ہے۔ افغانستا ن سے ملحقہ سرحدی قبائلی علاقے میں اس حملے کے نتیجے میں مقامی سیکیورٹی اہلکاروں کے مطابق پانچ غیر ملکی عسکریت پسند بھی مارے گئے۔

سیکورٹی اہلکاروں اور پولیٹکل انتظامیہ نے ہلاکتوں کی تصدیق کرتے ہوئے کہا ہے کہ یہ میزائل ایک امریکی جاسوس طیارے سے فائر کئے گئے جس کے نتیجے میں ایک گھر بھی تباہ ہو گیا ان حکام نے حملے میں پانچ افراد کے زخمی ہونے کا ذکر کیا ہے۔

حالیہ ہفتوں کے دوران افغانستان کے ساتھ سرحد کے قریب پاکستانی قبائلی علاقوں میں مبینہ امریکی میزائل حملوں میں اب تک درجنوں افراد مارے جا چکے ہیں۔


اسلام آباد میں پاکستانی دفتر خارجہ نے کہا ہے کہ پاکستان کی ریاستی حدود میں امریکی حملے بین الاقوامی قوانین کے علاوہ دہشت گردی کے خلاف جنگ میں تعاون سے متعلق امریکہ کے ساتھ باہمی مفاہمت کی بھی خلاف ورزی ہیں۔ اسلام آباد میں ہفتہ وار بریفنگ میں دفتر خارجہ کے ترجمان نے کہا کہ پاکستانی علاقے میں امریکی حملے رکوانے کی ہر سطح پر کوششیں کی جارہی ہیں۔