1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

مالم جبہ کے سیاحتی مقام پر ’بین الاقوامی اسکیئنگ‘ مقابلہ

مالم جبہ میں الپائن اِسکِی کلب کی جانب سے پہلے بین الاقوامی اسکیئنگ مقابلے کا انعقاد کیا گیا۔ اس مقابلے میں مراکش، یونان، افغانستان، سری لنکا، یوکرائن، تاجکستان، اور سلوواکیہ کے کھلاڑیوں نے حصہ لیا۔

خیبر پختونوا کے سیاحتی مقام مالم جبہ میں ان مقابلوں میں 50 مرد اور 10 خواتین پاکستانی کھلاڑیوں نے بھی حصہ لیا جب کہ مراکش، یونان، افغانستان، سری لنکا، یوکرائن، تاجکستان، اور سلوواکیہ سے تعلق رکھنے والے آٹھ بین الاقوامی شہرت یافتہ کھلاڑیوں نے حصہ لیا۔ توقع کی جا رہی ہے کہ اس مقابلے کے انعقاد سے پاکستان میں سیاحت اور بین الاقوامی اسپورٹس کے مقابلوں کے دروازے کھلیں گے۔

خیبر پختونخوا میں حکمران سیاسی جماعت پاکستان تحریک انصاف کے سربراہ عمران خان نے اپنے ٹوئٹر اکاؤنٹ پر اس کھیل کی تصاویر شائع کیں۔

پاکستان کی فضائیہ کی جانب سے جاری پریس ریلیز کے مطابق اسکیئنگ مقابلے کے پہلے روز یوکرائن کی ٹیم باقی ٹیموں پر حاوی رہی۔ مردوں کے مقابلے میں یوکرائن کے ایوان کوواسنکیُک نے اول پوزیشن حاصل کی، سلوواکیہ کے کھلاڑی جان جاکوبا نے دوسری، یوکرائن کے کھلاڑی واسیلے نے تیسری اور پاکستانی کھلاڑی محمد کریم نے چوتھی پوزیشن حاصل کی۔

اسکیئنگ کے خواتین کھلاڑیوں کے مقابلے میں اول اور دوسری پوزیشن یوکرائن کی کھلاڑیوں نے حاصل کی۔ پاکستان کی بین الاقوامی اسکیئر افراء ولی نے تیسری پوزیشن حاصل کی۔