1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

مارگلہ کی پہاڑیوں پر برفباری، شہریوں میں خوشی کی لہر

پاکستان کے دارالحکومت اسلام آباد کی مارگلہ کی پہاڑیوں اور پاکستانی زیر انتظام کشمیر کے مرکزی شہر مظفر آباد میں دس برس بعد ہونے والی برفباری سے شہری خوب محظوظ ہوئے۔

شدید سردی کے باعث پاکستان کے شمالی علاقہ جات میں سردی کی لہرسے درجہ حرارت نقطہ انجماد سے گر گیا ہے۔ کشمیر کی نیلم ویلی، لیپا ویلی، اور راولا کوٹ میں منفی درجہ حرارت ریکارڈ کیا گیا ہے۔ اس کے باعث اسکولوں، دفاتر اور کالجوں میں کم حاضری دیکھنے میں آ رہی ہے۔

صوبائی ڈیزازسٹر مینجمنٹ اتھارٹی کے ترجمان کے مطابق، ’’ مانسہرہ اور ایبٹ آباد میں شدید برف باری کے باعث قراقرم ہائی وے اور کئی اضلاع کی مقامی سٹرکیں ٹریفک کے لیے بند ہو گئیں۔‘‘

وفاقی دارالحکومت کی مارگلہ پہاڑیو‌ں پر بھی دس برس بعد برفباری دیکھنے میں آئی، جس سے شہری خوب محظوظ ہوئے۔ کئی افراد نے سوشل میڈیا پر برف باری کی تصاویر اور ویڈیوز بھی شئیر کیں۔

پاکستان کے محکمہ موسمیات کے مطابق اسلام آباد، لاہور، گلگت بلتستان اور کشمیر میں بارش کا سلسلہ جمعے تک جاری رہے گا۔