1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

مارگلہ کریش : بلیک باکس مل گیا

تین روز قبل اسلام آباد میں تباہ ہونے والے مسافر بردار طیارے کا بلیک باکس تلاش کر لیا گیا ہے۔ پاکستانی حکام نے کہا ہے کہ یہ بلیک باکس ہفتے کے دن مارگلہ کی پہاڑیوں سے ملا ہے۔

default

تباہ شدہ طیارہ

سول ایوی ایشن کے ڈائریکٹر جنرل جنید امین نے خبر رساں ادارے ڈی پی اے کو بتایا، ’’ ہاں، ہم نے بلیک باکس ڈھونڈ لیا ہے۔ یہ محفوظ ہے اور اس میں سے ریکارڈنگ ڈیٹا نکالا جا سکتا ہے۔‘‘ انہوں نے مزید کہا کہ طیارے کے کاک پٹ میں نصب وائس ریکارڈر بھی تلاش کیا جا چکا ہے۔

پاکستانی نجی ائیر لائن ’ائیر بلیو‘ کا مسافر بردار طیارہ بدھ کی صبح مارگلہ کی پہاڑیوں میں گر کر تباہ ہو گیا تھا۔ اس حادثے کے نتیجے میں طیارے میں سوار افراد میں سے کوئی بھی زندہ نہیں بچا تھا۔ طیارے میں سوار تمام 146 مسافر اور عملے کے چھ ارکان ہلاک ہو گئے تھے۔

Flugzeugabsturz Pakistan Helfer vor Ort

رضا کار طیارے میں بچ جانے والوں کی تلاش میں

پاکستانی دارالحکومت اسلام آباد کی شہری انتظامیہ نے بھی تصدیق کی ہے کہ تباہ ہونے والے طیارے کا بلیک باکس اور ریکارڈنگ دیٹا مل گیا گیا۔ کیپیٹل ڈویلپمنٹ اتھارٹی کے ترجمان رمضان ساجد نے کہا ہے کہ بلیک باکس سے ریکارڈنگ مواد حاصل کرنے کے لئے اسے غیر ملک بھیجا جائے گا۔ رمضان ساجد ’مارگلہ کریش‘ کی امدادی کارراوئیوں کی نگرانی بھی کر رہے تھے۔

ابتدائی اندازوں کے مطابق ایئر بلیو کی پرواز خراب موسم کے باعث مارگلہ کی پہاڑیوں میں گر کر تباہ ہوئی۔ یہ پرواز بدھ کی صبح کراچی سے اسلام آباد کے لئے روانہ ہوئی تھی جبکہ حادثے سے کچھ دیر قبل ہی اس طیارے کا کنٹرول روم سے رابطہ منقطع ہو گیا تھا۔

رپورٹ : عاطف بلوچ

ادارت : شادی خان سیف

DW.COM