1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

مائیکل جیکسن کی تدفین

مائیکل جیکسن کا وصیت نامہ عدالت میں پیش کیا جا چکا ہے۔ اُن کی یاد میں عظیم الشان میموریئل سروس کے ساتھ ساتھ ان کی تدفین کی تیاریاں آخری مراحل میں ہیں۔

default

ہالی ووڈ کی مشہور سڑک جس کی وجہ شہرت، اداکاروں اور گلوکاروں کے نام والے ستارے ہیں، مائیکل جیکسن کے نام کے ستارے پر پھول کی پتیاں مداحوں کی جانب سے

مشہورپاپ گلوکارمائیکل جیکسن کے کروڑوں پرستار ان کی تدفین کے موقع پرانہیں خراج عقیدت پیش کرنے کے لئے بے تاب ہیں۔ توق‍ع کی جا رہی ہے کہ مائیکل جیکسن کی آخری رسومات ہالی ووڈ میں ہونے والی ابتک کی سب سے بڑی تدفین ہو گی۔ ذرائع کے مطابق مائیکل کی لاش کو آخری رسومات کی ادائیگی کے لئے ان کےخاندان کے حوالے کردیا جائے گا۔

سانتا باربرا کاؤنٹی حکام کے مطابق نیورلینڈ یا کاؤنٹی میں مائیکل جیکسن کی آخری رسومات کی تقریبات کی تاریخ ابھی مختص نہیں کی گئی۔ تاہم ان کے قریبی حلقےکے لوگوں کے مطابق تدفین نیورلینڈ میں ہی متوقع ہے جس کومستقل مائیکل جیکسن میموریل بنائے جانے پر بھی غور کیا جارہا ہے۔

BdT Michael Jackson Fans in London

لندن میں مائیکل جیکسن کے مداح

دوسری طرف جیکسن خاندان کے ایک قریبی رشتہ دار نے اپنا نام ظاہر نہ کرنے کی شرط پرایک خبر رساں ادارے کو بتایا کہ مائیکل جیکسن کی وصیت جمعے کے روز عدالت میں پیش کردی جائے گی۔ اس وصیت کے مطابق ان کی تمام جائیداد کی رقم فلاحی ادارے کو عطیہ کے طور پر دیا گیا ہے، جبکہ ان کے تین بچوں کی دیکھ بھال کی ذمہ داری ان کی والدہ کے سپرد کی گئی ہے۔ آنجہانی جیکسن کی وصیت کے مطابق ان کی جائیداد میں ان کے والد کا کوئی حصہ نہیں رکھا گیا۔

ہالی وڈ کے علاوہ دنیا کے مختلف ممالک میں بھی جیکسن کو خراج عقیدت پیش کرنے کا سلسلہ جاری ہے۔ یوکرائن کے ایک گاؤں کے رہائشی اپنے گاؤں کا نام تبدیل کر کے مائیکل جیکسن سے منسوب کرنا چاہتے ہیں اس علاقے کی انتظامیہ کے ایک اہلکار اولیگ کیلیسٹین کے مطابق اوکٹیا براسکو کے رہائشیوں نے باہمی رضامندی سے اس تجویز کی منظوری بھی دے دی ہے۔