1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

لیڈی گاگا کے ویڈیو، یوٹیوب پر ایک ارب ہِٹس

معروف پاپ سٹار لیڈی گاگا نے انٹرنیٹ کی دُنیا میں ایک نیا ریکارڈ بنایا ہے۔ یہ ریکارڈ ویڈیو شیئرنگ ویب سائٹ یوٹیوب پر بنا ہے، جہاں ان کی ویڈیوز کو ایک ارب سے زائد مرتبہ دیکھاگیا ہے۔

default

معروف پاپ سٹار لیڈی گاگا

لیڈی گاگا سوشل نیٹ ورکنگ ویب سائٹس فیس بُک اور ٹویٹر پر پہلے ہی انتہائی مقبول ہیں۔ اس وقت دُنیا میں کوئی ایسی ہستی حیات نہیں، جس کے پرستاروں کی تعداد ان ویب سائٹس پر لیڈی گاگا سے زیادہ ہو۔ فیس بُک پر ان کے پرستاروں کی تعداد دو کروڑ سے زائد ہے جبکہ ٹویٹر پر 70 لاکھ افراد انہیں فالو کر رہے ہیں۔

انٹرنیٹ سرچ کمپنی ’فیم کاؤنٹ ڈاٹ کوم‘ کا کہنا ہے کہ یو ٹیوب پر لیڈی گاگا کی ویڈیوز کو ایک ارب 27 لاکھ سے زائد مرتبہ دیکھا جا چکا ہے۔

Lady Gaga Flash-Galerie

امریکی سنگر لیڈی گاگا نے اپنی مقبولیت کے حوالے سےکئی بڑے ناموں کو پیچھے چھوڑ دیا ہے

ان اعدادوشمار کے اجراء کے بعد لیڈی گاگا نے فیس بُک اور ٹویٹر پر اپنے پرستاروں کو مخاطب کرتے ہوئے لکھا،’یوٹیوب پر ہمارے ویڈیوز کو ایک ارب سے زائد مرتبہ دیکھ لیا گیا ہے دوستو!‘

انہوں نے مزید لکھا، ’اگر ہم ایک دوسرے کا ساتھ دیں، تو کچھ بھی کر سکتے ہیں۔‘ لیڈی گاگا نے اپنے پرستاروں کو یوٹیوب کے کنگز اور کوئینز قرار دیا ہے۔

خیال رہے کہ یوٹیوب پر لیڈی گاگا کے ویڈیوز دیکھے جانے سے متعلق یہ اعدادوشمار مجموعی ہیں، نہ کہ کسی ایک گانے کی ویڈیو سے متعلق۔

اس حوالے سے ٹین پاپ سٹار جسٹن بیبر کو بھی کمال حاصل ہے۔ یو ٹیوب پر ان کے ہِٹ سنگل بے بی کو 36 کروڑ 70 لاکھ سے زائد مرتبہ دیکھا جا چکا ہے۔ اپنی ویڈیوز کے مجموعی ریکارڈ کے لحاظ سے یہ 16سالہ گلوکار لیڈی گاگا سے ذرا ہی پیچھے ہیں۔ ان کی تمام ویڈیوز کو یوٹیوب پر 96 کروڑ 70 لاکھ مرتبہ دیکھا جا چکا ہے۔

یہ پہلا موقع نہیں ہے کہ لیڈی گاگا نے آن لائن ریکارڈ بنایا ہو بلکہ ابھی اگست میں ہی وہ ٹویٹر پر سب سے زیادہ فالو کی جانے والی شخصیت بنی ہیں۔ اس سے پہلے یہ ریکارڈ بریٹنی سپیئرز کے پاس تھا۔ انہیں فیس بُک پر دو کروڑ سے زائد پرستار رکھنے کا اعزاز بھی حال ہی حاصل ہوا ہے۔

MTV Video Music Awards Los Angeles 2010 Flash-Galerie

پاپ سٹار جسٹن بیبر

واضح رہے کہ امریکی صدر باراک اوباما بھی فیس بُک پر ایک مقبول شخصیت ہیں تاہم وہ بھی لیڈی گاگا سے بہت پیچھے ہیں۔ ان کے فینز کی مجموعی تعداد ڈیڑھ کروڑ سے کچھ ہی زیادہ ہے۔

رپورٹ: ندیم گِل

ادارت: عاطف بلوچ

DW.COM

ویب لنکس