1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

لزبن معاہدے کو مرنے نہیں دینگے: یورپی یونین

لزبن ٹریٹی کے تعلق سے یورپی یونین کے وزراء خارجہ نے لکسیمبورگ میں پیر کے روز یہ عہد کیا کہ آئرلینڈ ریفرنڈم کے نتیجے کے باوجود اس معاہدے کو مرنے نہیں دیا جائے گا۔

default

آئرلینڈ کے وزیر خارجہ میخائل مارٹن اپنے لکسمبورگ کے ہم منصب جین ایسلبورن کے ہمراہ

یورپی وزراء خارجہ نے تاہم کہا کہ اس معاہدے کو زندہ رکھنے کے لئے فی الحال ان کے پاس کوئی جادو کی چھڑی نہیں ہے۔

لکسیمبورگ کی ماہانہ کانفرنس یورپی یونین کے وزراء خارجہ کے لئے ایک موقعہ تھا کہ آئرلینڈ ریفرنڈم کے نتیجے پر وہ تبادلہ خیال کرسکیں اور لزبن معاہدے کے اطلاق کی کوئی راہ تلاش کریں۔

گُزشتہ جمعرات کو لزبن معاہدے کے خلاف آئرلینڈ ریفرنڈم کا نتیجہ یورپی یونین کے لئے ایک چیلنج کے طور پر سامنے آیا۔ لزبن معاہدے کا مقصد یورپی یونین کو سیاسی اور معاشی اعتبار سے مذید مضبوط بنانے کے علاوہ بلاک میں اصلاحات متعارف کرانا تھا۔

یورپی یونین میں اصلاحات کے لئے لزبن میں ایک معاہدہ طے پایا تھا لیکن آئرلینڈ کے ریفرنڈم کے نتیجے نے اس کو شدید دھچکا پہنچایا ہے۔

یونین میں آئرلینڈ ایسا واحد ملک ہے جہاں لزبن معاہدے کی تصدیق اور توثیق کے لئے ایک ریفرنڈم کرایا گیا۔ آئرلینڈ کے عوام کی اکثریت نے ریفرنڈم کے ذریعے ٹریٹی کے خلاف ووٹ دیا۔