1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

لانگ مارچ اسلام آباد پہنچ گیا

پاکستان میں گذشتہ برس معزول کئے جانے والے ججوں کی بحالی کے مطالبے پر زور دینے کے لئے ہزارہا وکلاء اور سیاسی کارکن دارالحکومت اسلام آباد میں پارلیمان کے قریب پہنچنا شروع ہو گئے ہیں۔

default

پاکستان میں گذشتہ برس معزول کئے جانے والے ججوں کی بحالی کے مطالبے پر زور دینے کے لئے ہزارہا وکلاء اور سیاسی کارکن دارالحکومت اسلام آباد میں پارلیمان کے قریب پہنچنا شروع ہو گئے ہیں۔

وہاں پہلے ہی پورے ملک سے گئے ہوئے کئی قافلے پہنچ چکے ہیں۔ قبل ازیں راولپنڈی میں لانگ مارچ کہلانے والے اِس جلوس کا شاندار استقبال کیا گیا۔کل جمعرات کی شام لاہور سے روانہ ہونے والے اِس جلوس کی قیادت کرنے والوں میں وکلاء برادری کے ممتاز رہنماؤں اعتزاز احسن اور علی احمد کُرد کے ساتھ ساتھ خاص طور پر پاکستان مسلم لیگ نون کے اہم رہنما بھی شامل ہیں۔ حکومت نے پارلیمنٹ ہاؤس کو جانے والے تمام راستے کنٹینرز کی مدد سے بند کر رکھے ہیں۔

بتایا گیا ہے کہ معزول چیف جسٹس افتخار محمد چوہدری آج شاہراہِ دستور پر مجوزہ اجتماع سے خطاب نہیں کریں گے۔ اُن کے ترجمان کے مطابق حالات اِس بات کی اجازت نہیں دیتے۔ مسلم لیگ نون کے قائد نواز شریف بھی اپنی جماعت کے دیگر بہت سے قائدین کے ہمراہ اسلام آباد پہنچ چکے ہیں۔ اِسی دوران وزیر اعظم یوسُف رضا گیلانی نے کہا ہے کہ حالات مکمل طور پر حکومت کے قابو میں ہیں اور فوج طلب کرنے کی ضرورت نہیں پڑے گی۔