1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

لارڈز ٹیسٹ بارش سے متاثر

لارڈز ٹیسٹ کے پہلے دن کے کھیل میں انگلینڈ نے انتالیس رنز بنا لئے ہیں اور اس کا ایک کھلاڑی آؤٹ ہوا ہے۔ اس وقت میچ بارش کی وجہ سے رکا ہوا ہے۔

default

محمد عامر اپیل کرتے ہوئے

پاکستان اورانگلینڈ کے مابین چارٹیسٹ میچوں کی سیریز کے سلسلے میں چوتھا اور آخری ٹیسٹ میچ جعمرات سے لارڈز میں جاری ہے تاہم بارش کے باعث کھیل کا پہلا دن شدید متاثر ہو رہا ہے۔

بارش سے پہلے دن کا کھیل لنچ کے وقفے کے بعد شروع ہوا۔ پاکستان نے ٹاس جیت کر پہلے فیلڈنگ کا فیصلہ کیا۔ انگلش کپتان اینڈریو سٹراؤس تیرہ رنز بنا کر محمد آصف کی گیند پر بولڈ ہوگئے۔

Cricket Ashes Cup Englad Australien Juli 2009

انگلش کرکٹ ٹیم کے کپتان اینڈریو اسٹراؤس

جب میچ بارش کے باعث روکا گیا تو اوپنر بیٹسمین الیسٹر کوک دس جبکہ جوناتھن ٹراٹ آٹھ رنز پرناٹ آؤٹ تھے۔ کھیل کے آغاز پر ہی محمد عامر کی ایک عمدہ گیند پر تھرسلپ کی پوزیشن میں کھڑے عمر اکمل نے کوک کا آسان کیچ چھوڑ دیا۔ سیریز کے تیسرے ٹیسٹ میچ کی دوسری اننگز میں بھی کوک کو ایک چانس ملا تھا، جس کے بعد انہوں نے سنچری سکور کی تھی۔

اوول ٹیسٹ کی فاتح پاکستانی کرکٹ ٹیم میں کوئی تبدیلی نہیں کی گئی ہے جبکہ انگلش ٹیم بھی وہی ہے، جسے اس میچ میں شکست ہوئی تھی۔

سیریزمیں اس وقت انگلینڈ کو دو ایک کی برتری حاصل ہے۔ اگر پاکستان یہ ٹیسٹ میچ جیت جاتا ہے تو وہ یہ سیریز برابر کرنے میں کامیاب ہو جائے گا۔

رپورٹ: عاطف بلوچ

ادارت: گوہر نذیر گیلانی

DW.COM