1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

قطر کا بحران: یو اے ای نے قطری میڈیا ہیک کرایا، رپورٹ

امریکی میڈیا نے دعویٰ کیا ہے کہ متحدہ عرب امارات نے قطری میڈیا کی ہیکنگ کا بندوبست کیا تھا۔ قطری میڈیا پر شائع ہونے والے ایک بیان کی بنیاد پر ہی سعودی عرب اور دیگر عرب ریاستوں اور قطر کے مابین سفارتی بحران شروع ہوا تھا۔

امریکی اخبار واشنگٹن پوسٹ نے اتوار کے روز شائع ہونے والی اپنی ایک رپورٹ میں امریکی خفیہ اداروں کے حوالے سے لکھا ہے کہ قطری میڈیا کی ہیکنگ متحدہ عرب امارات کی حکومت نے کرائی تھی۔ رپورٹ میں لکھا گیا ہے کہ اماراتی حکومت کے اعلیٰ عہدیداروں نے تئیس مئی کے دن قطری نیوز ایجنسی ہیک کرنے کے منصوبے پر گفتگو کی تھی۔

قطر سعودی تنازعہ پاکستان کی معیشت مشکلات سے دوچار

قطر خلیجی ہمسایوں سے اپنے تعلقات بہتر بنائے، اقوام متحدہ

اگلے ہی روز قطری نیوز ایجنسی کی ویب سائٹ اور سوشل میڈیا پر قطری امیر شیخ تمیم بن حمد الثانی سے منسوب بیانات شائع ہوئے، جن میں انہوں نے مبینہ طور پر ایران کی تعریف کی تھی اور یہ بھی کہا تھا کہ قطر کے اسرائیل کے ساتھ اچھے مراسم ہیں۔

ویڈیو دیکھیے 02:37

قطر کا بحران: کون کس کے ساتھ ہے؟

قطری امیر کے ان بیانات کی اشاعت کے فوری بعد اس نیوز ایجنسی نے اس مضمون کو حذف کرتے ہوئے کہا تھا کہ اس کی ویب سائٹ ہیک کر لی گئی تھی۔ تاہم سعودی عرب، بحرین، مصر اور متحدہ عرب امارات نے تمام قطری میڈیا پر پابندی لگاتے ہوئے قطر کے ساتھ سفارتی تعلقات بھی منقطع کر دیے تھے۔ یوں مبینہ طور پر یہ ’جعلی خبر‘ مشرق وسطیٰ میں اس نئے بحران کا سبب بن گئی تھی۔

دوسری جانب متحدہ عرب امارات کے خارجہ امور کے وزیر مملکت انور قرقاش نے اس خبر کی تردید کی ہے۔ چَیٹہم ہاؤس نامی ایک برطانوی تھنک ٹینک سے گفت گو کرتے ہوئے قرقاش کا کہنا تھا، ’’واشنگٹن پوسٹ کی خبر غلط ہے۔‘‘

لندن میں دیے گئے اپنے انٹرویو میں قرقاش نے قطر پر پابندیاں ختم کرنے کے لیے وقت کا تعین کرنے سے گریز کرتے ہوئے کہا، ’’ابھی کچھ پیچ کسنا باقی ہیں۔‘‘

کویت قطر اور ہمسایہ عرب ریاستوں کے مابین مفاہمت کے لیے کوشاں ہے تاہم قرقاش کا کہنا تھا کہ فی الوقت کویتی ثالثی میں قطر کے ساتھ براہ راست بات چیت کا کوئی امکان نہیں ہے اور ابھی تک کوئی ایک بھی ملاقات طے نہیں کی گئی۔

خوراک سے بھرے ایرانی طیارے قطر پہنچ گئے

قطر سے کیے گئے مطالبات سے پیچھے نہیں ہٹیں گے، سعودی عرب

DW.COM

Audios and videos on the topic