1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

قطر اوپن مرے نے جیت لیا

دفاعی چمپیئن اینڈی مرے نے قطر اوپن کے فائنل میں اینڈی روڈک کو شکست دے کر اپنے اعزاز کا دفاع کیا۔

default

اینڈی روڈک قطر اوپن کے فائنل میں بہتر کھیل کا مظاہرہ نہ کر سکے

برطانوی نمبر ایک اینڈی مرے نے امریکی ٹینس کھلاڑی اینڈی روڈک کو ایک آسان مقابلے کے بعد 6-4 اور 6-2 سے ہرایا اور اپنا قطر اوپن کا ٹائٹل بحال رکھا۔ اس طرح اب اینڈی مرے کے لئے امکانات روشن ہو گئے ہیں کہ وہ آسٹریلن اوپن جیت کر گرینڈ سلام حاصل کر لیں۔

جمعے کے دن سیمی فائنل میں انہوں نے راجر فیڈرر کو شکست دی جس کے بعد اس بات کا خدشہ تھا کہ کہیں وہ اپنی کمر کی درد کی وجہ سے فائنل نہ کھیل سکیں۔ لیکن اپنی کمر کی درد کے باوجود انہوں نے ہفتے کے دن صرف 70 منٹوں میں فائنل میں کامیابی حاصل کی۔

اینڈی مرے نے اینڈی روڈک کے ساتھ کل آٹھ میچ کھیلے جنمیں سے چھ مرتبہ مرے نے کامیابی حاصل کی۔ قطر اوپن کا ٹائٹل جیتنے کے بعد اینڈی مرے ٹینس کی دنیا میں کل نو فتوحات حاصل کر نے میں کامیاب ہو گئے ہیں۔