1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

فیفا ورلڈ کپ: جرمنی کے لئے جیت ضروری

فیفا ورلڈ کپ میں جرمن ٹیم اپنا ایک اہم لیگ میچ بدھ کو گھانا کے خلاف کھیل رہی ہے۔ جرمنی کو ناک آؤٹ مرحلے میں جانے کے لئے یہ میچ ہرحال میں جیتنا ہوگا۔

default

جرمن کھلاڑی لوکاس پوڈولسکی سے امیدیں وابستہ کی جا رہی ہیں

انیسویں عالمی کپ مقابلوں کے تیرہویں یعنی بدھ کو چارمیچ کھیلے جائیں گے۔ جرمنی اور گھانا کے علاوہ گروپ ’ڈی‘ میں ہی سربیا اور آسٹریلیا کی ٹیمیں مد مقابل ہوں گی جبکہ گروپ ’سی‘ میں امریکی ٹیم الجزائر کے خلاف جبکہ سلووینیا کی ٹیم انگلینڈ کے خلاف نبرد آزما ہوگی۔

گروپ ’ڈی‘ میں ٹیبل پر اس وقت گھانا کی ٹیم چار پوائنٹس کے ساتھ پہلی پوزیشن پر ہے۔ اس نے اب تک اپنے دو میچوں میں ایک جیتا جبکہ ایک برابرکیا ہے۔ اس گروپ میں دوسرے نمبر پر جرمن ٹیم ہے، جس نے ایک میچ جیتا جبکہ ایک ہارا ہے۔ جرمنی کے تین پوائنٹس ہیں۔

جوہانبسرگ سٹی سٹیڈیم میں کھیلے جانے والا یہ میچ گھانا کے لئے بھی اتنا ہی اہم ہے جتنا کہ جرمنی کے لئے۔ اگرچہ یہ گروپ میچ ہے تاہم صورتحال اس طرح کی بن چکی ہے کہ یہ میچ ان دونوں ہی ٹیموں کے لئے ناک آؤٹ بن چکا ہے۔

دوسری طرف اسی گروپ یعنی ’ڈی‘ میں سربیا کی ٹیم آسٹریلیا کو شکست دینے کی صورت میں آرام سے ناک آؤٹ مرحلے تک رسائی حاصل کرنے کی پوزیشن میں ہے۔

Fußball WM 2010 Südafrika - Südkorea gegen Argentinien Flash-Galerie

جنوبی کوریا ٹیم کے مداح اگلے مرحلے میں جانے پر انتہائی خوش ہیں

اسی طرح گروپ ’سی‘ میں انگلینڈ کی ٹیم شدید مشکلات کی شکار ہے۔ اسے اپنا مشکل میچ سلووینیا کے خلاف کھیلنا ہے۔ شکست کی صورت میں کئی دیگر یورپی ٹیموں کی طرح انگلش ٹیم بھی ورلڈ کپ ٹورنامنٹ سے باہر ہو جائے گی۔

گروپ ’سی‘ میں ہی امریکی ٹیم الجزائر کے خلاف معرکہ آرا ہو گی۔ الجزائر یہ میچ اچھی گول اوسط سے جیتنے کے بعد اگلے مرحلے تک رسائی حاصل کر سکتا ہے۔ اسی گروپ میں سلووینیا کے چار، امریکہ اور انگلینڈ کے دو دو جبکہ الجزائر کا ایک پوائنٹ ہے۔

منگل کو پیٹرموبکا سٹیڈیم میں کھیلے گئے گروپ ’بی‘ کے ایک میچ میں ارجنٹائن نے یونان کو دو صفر سے ہرا کر اس یورپی ٹیم کو فیفا ورلڈ کپ سے باہر کردیا۔ اس میچ میں مشہور فُٹ بال سٹار میسی کپتانی کے فرائض انجام دے رہے تھے۔

اسی گروپ کے ایک اورمیچ میں جنوبی کوریا اورنائجیریا کا میچ دو دو گول سے برابر رہا تاہم جنوبی کوریائی ٹیم چار پوائنٹس کے ساتھ اگلے مرحلے کے لئے کوالیفائی کر گئی ہے۔

Frankreich Südafrika WM Fußball Weltmeisterschaft Flash-Galerie

فرانس کی ٹیم نے اس ٹورنامنٹ میں اپنے مداحوں کو شدید مایوس کیا

منگل کے دن ہی گروپ ’اے‘ میں جنوبی افریقہ نے فرانس کو دو ایک سے شکست دی جبکہ یوروگوائے نے میکسیکو کو ایک صفر سے ہرا دیا۔ اس گروپ میں یوروگوائے اور میکسیکو کی ٹیموں نے اگلے مرحلے کے لئے کوالیفائی کر لیا ہے جبکہ میزبان جنوبی افریقہ اور گزشتہ عالمی کپ میں رنر اَپ فرانس ٹورنامنٹ سے باہر ہوگئے ہیں۔

England - USA WM Weltmeisterschaft Flash-Galerie

انگلش ٹیم کے جیتنے کے لئے رونی کا فارم میں واپس آنا نہایت ضروری ہے

فرانس نے اس عالمی کپ میں انتہائی ناقص کارکردگی کا مظاہرہ کیا ہے۔ تین میچوں میں سے اسے دو میں شکست ہوئی جبکہ یہ ایک میچ ڈرا کرنے میں کامیاب رہا۔

رپورٹ: عاطف بلوچ

ادارت:گوہر نذیر گیلانی

DW.COM