1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

فیفا ورلڈ کپ، جرمنی نے ارجنٹائن کو پچھاڑ دیا

جرمنی نے فیفا ورلڈ کپ کے کوارٹر فائنل میں ارجنٹائن کو صفر کے مقابلے میں چار گولوں سے شکست دے کر ٹورنامنٹ سے باہر کردیا ہے۔

default

جرمن ٹیم سیمی فائنل کے لئے کوالیفائی کر گئی ہے۔ کھیل کے تیسرے منٹ میں ہی میں جرمن سٹرائیکر تھوماس ملر نے ٹیم کو ایک گول کی سبق دلا دی۔ پہلے ہاف کے اختتام تک یہی سبقت قائم رہی۔

دوسرے ہاف میں جرمن ٹیم مزید بہتر انداز سے میدان میں اتری اور ارجنٹائن کے دفاعی کھلاڑیوں کو بے بس رکھا۔ اس میچ میں جرمن ٹیم نے ہر شعبے میں ارجنٹائن کو آؤٹ کلاس کر دیا۔ نوجوان جرمن کھلاڑیوں نے ایک طرف تو مخالف گول پر حملوں کا سلسلہ جاری رکھا اور اس کے ساتھ ہی ساتھ مخالف ٹیم کے کئی حملوں کو بھی ناکام بنایا۔

WM Südafrika 2010 Deutschland vs Argentinien Flash-Galerie

کھیل کے دوسرے ہاف میں جرمن کھلاڑی لوکاس پوڈولسکی کے پاس پر میروسلاف کلوزے نے بال گول میں پھینک کر جرمنی کی برتری کو مزید بہتر کر دیا۔ اس کے بعد ارجنٹائن کی ٹیم کا باہمی ربط کوئی خاص انداز سے نظر نہ آیا اور گٹھ جوڑ کے فقدان کے باعث ارجنٹائن کے کھلاڑیوں نے انفرادی سطح پر چند ایک خوبصورت مووز تو بنائے، تاہم گول نہ کر سکے جبکہ جرمن کھلاڑی مکمل باہمی ربط کا مظاہرہ کرتے رہے۔

کھیل کے 68ویں منٹ میں کلوزے نے ایک اور گول کر دیا اور کھیل کے آخری لمحات میں جرمن مِڈ فیلڈر فرائیڈریش نے جرمنی کی طرف سے چوتھا گول کر کے جیت یقینی کردی۔

WM Südafrika 2010 Deutschland vs Argentinien Flash-Galerie

کھیل میں اگر چہ بال ارجنٹائن نے زیادہ دیر اپنے پاس رکھی لیکن کوئی کھلاڑی ارجنٹائن کے لئے گول کرنے میں کامیاب نہ ہو پایا۔ مجموعی طور پر کھیل کے دوران 54 فیصد بال پوزیشن ارجنٹائن کے پاس رہی، جبکہ 46 فیصد جرمنی کے پاس۔ کھیل میں مجموعی طور پر ارجنٹائن نے جرمن گول پر سات مرتبہ حملہ کیا اور جرمنی نے صرف چھ مرتبہ۔ اسی طرح اس میچ میں ارجنٹائن کو پانچ کارنرز ملے اور جرمنی کو چار۔

ارجنٹائن کے کھلاڑیوں کی جانب سے 20 فاؤل کئے گئے اس کے مقابلے میں جرمنی کے کھلاڑیوں کی طرف سے فاؤل کی تعداد 14 رہی۔ ارجنٹائن کے دو کھلاڑیوں کو پیلا کارڈ دکھایا گیا اور جرمنی کے ایک کھلاڑی کو۔

رپورٹ : عاطف توقیر

ادارت : شادی خان سیف

DW.COM