1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

فیس بک 110 ملین یورو جرمانہ ادا کرے، یورپی کمیشن

یورپی کمیشن نے مشہور سوشل نیٹ ورک ویب سائٹ فیس بک کو 110 ملین یورو کا جرمانہ ادا کرنے کا حکم دیا ہے۔ فیس بک پر یہ جرمانہ واٹس اپ کی خریداری کے حوالے سے گمراہ کن معلومات فراہم کرنے کی وجہ سے عائد کیا گیا ہے۔

یورپی کمیشن کے مطابق فیس بک کو اتنا زیادہ جرمانہ اس وجہ سے کیا گیا ہے کہ اسے عبرت حاصل ہو کہ غلط معلومات فراہم کرنے کا کیا نتیجہ نکل سکتا ہے۔ سن 2014 میں فیس بک نے کہا تھا کہ واٹس اپ اور فیس بک میسینجر کے ڈیٹا کو ایک دوسرے میں ضم کرنا ممکن نہیں ہے لیکن اگست 2016 میں فیس بک کی طرف سے نیا اپ ڈیٹس متعارف کرواتے ہوئے واٹس اپ کے ٹیلی فون نمبرز کو فیس بک کے پروفائلز سے منسلک کرنے کا طریقہٴ کار  کو بھی پیش کیا گیا تھا۔

 یورپی کمیشن کے مطابق اس طرح انہیں دھوکا دیا گیا ہے اور یہ کہ اس طرح بڑی کمپنیوں کے ایک دوسرے میں ضم ہونے سے مارکیٹ میں مقابلے کی فضا کو نقصان پہنچتا ہے۔

یورپی یونین میں انٹرنیٹ اور بھی محفوظ

فیس بک کی طرف سے جاری ہونے والے ایک بیان کے مطابق انہوں نے یورپی یونین کے ساتھ ہمیشہ ’’نیک نیتی‘‘ سے کام کیا ہے اور یہ کہ ہر موقع پر ’’درست معلومات فراہم‘‘ کرنے کی کوشش کی گئی ہے۔

فیس بک نے کہا ہے کہ سن 2014ء میں کی جانے والی غلطی جان بوجھ کر نہیں کی گئی تھی۔

DW.COM