1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

فیس بک پر ’لائیک‘ کرنے کے جرم میں مسیحی شخص گرفتار

پاکستان کی پولیس نے ایک 16 سالہ مسیحی لڑکے کو توہین مذہب کے الزام میں اس لیے گرفتار کر لیا ہے کیوں کہ اس نے کعبہ سے متعلق ایک تصویر کو ’لائیک‘ کر دیا تھا۔

نیوز ایجنسی اے پی کے مطابق اس لڑکے نے اسلام کے مقدس ترین مقام خانہ کعبہ کی ایک قابل اعتراض تصویر کو لائیک کیا تھا۔

لاہور پولیس کے سینئیر افسر اختر انصاری نے کہا کہ اس لڑکے کو رواں ہفتے گرفتار کر لیا گیا تھا اور اسے کیس کی سماعت سے قبل جیل بھیج دیا گیا ہے۔ اختر انصاری کا کہنا ہے کہ اس لڑکے کو پولیس نے ایک مسلمان شہری کی شکایت پر گرفتار کیا تھا۔ اس شخص کا کہنا تھا کہ کعبہ کی قابل اعتراض تصویر کو لائیک کیے جانے سے اس کے جذبات مجروح ہوئے تھے۔

پاکستان میں توہین مذہب کے قوانین کے تحت اسلام کی توہین کرنے کے جرم میں سزائے موت دی جا سکتی ہے۔ کئی مرتبہ یہ قوانین ذاتی دشمنیوں کے لیے بھی استعمال کیے جاتے ہیں اور خاص طور پر اقلیتیوں کو نشانہ بنایا جاتا ہے۔

سن 2015 میں مسلمانوں نے ایک مسیحی جوڑے کو قرآن کی بے حرمتی کرنے پر قتل کر دیا تھا۔

DW.COM