1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

فٹ بال: جرمنی اور پولینڈ کا میچ برابر

جرمنی اور پولینڈ کی ٹیموں کے درمیان منگل کو کھیلا گیا ایک دوستانہ میچ دو دو گول سے برابر رہا۔ پولینڈ جرمنی کے خلاف پہلی تاریخی جیت حاصل کرتے کرتے رہ گیا۔

default

جرمن کھلاڑی کاکاؤ نے انجری ٹائم میں گول کر کے پولینڈ کی جرمنی کے خلاف ممکنہ طور پر پہلی جیت کے خواب کو چکنا چور کر دیا۔ کاکاؤ کی جانب سے یہ گول اضافی وقت کے چوتھے منٹ کی آخری کک پہ کیا گیا۔ تین منٹ قبل پولینڈ کے کپتان نے ایک پینیلٹی شوٹ آؤٹ کے ذریعے پولینڈ کی جانب سے دوسرا گول کر کے پولینڈ کو سبقت دلا دی تھی۔ پولینڈ کی ٹیم دس کھلاڑیوں کے ساتھ کھیل رہی تھی۔

جرمن فٹ بال ٹیم کے کوچ یوآخم لوو نے میچ پر تبصرہ کرتے ہوئے کہا، ’’میں خوش ہوں کہ ہم اس طرح کے میچ بھی کھیل سکتے ہیں۔ یہ ضروری نہیں کہ ہم ہر میچ جیت جائیں۔‘‘

Symbolbild Patrotismus Fußball Nationalismus Frau

جرمنی کی ٹیم یورو کپ کے لیے کوالیفائی کر گئی ہے

جرمن کوچ نے یورو دو ہزار بارہ کے لیے آسٹریا کے خلاف کھیلے جانے والے ایک کوالیفائنگ میچ کے بعد جرمن ٹیم میں تبدیلیاں کی تھیں۔ جرمنی نے یہ میچ آسٹریا کو چھ دو سے ہرا کر یورو کپ کے لیے کوالیفائی کرلیا ہے۔ پولینڈ کے خلاف میچ میں لوو نے نوئیر، شوائن اشٹائیگر اور اوئزل کو آرام دیا، جس کا مطلب یہ تھا کہ جرمنی کی ٹیم اپنی پوری طاقت کے ساتھ میدان میں نہیں تھی۔ غالباً یہی وجہ تھی کہ میچ برابر کرنے پر جرمن کوچ خوش دکھائی دیے۔

پولینڈ کے ٹیم مینیجر نے میچ ڈرا ہونے پر مایوسی کا اظہار کیا تاہم ٹیم کی اچھی کارکردگی پر وہ مطمئن دکھائی دیے۔ انہوں نے دکھ کا اظہار کیا کہ پولینڈ جرمنی کے خلاف تاریخی فتح حاصل کرتے کرتے رہ گیا۔

رپورٹ: شامل شمس⁄  خبر رساں ادارے

ادارت: امتیاز احمد

 

DW.COM