1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

فٹبال ورلڈ کپ سپین جیتے گا،آکٹوپس کی پیشین گوئی

فیفا ورلڈ کپ کے سیمی فائنل میں جرمنی کی ناکامی اور سپین کی فتح کی کامیاب پیشین گوئی کرنے وا لے آکٹوپس پاؤل نے اب یہ پیشین گوئی بھی کر دی ہے کہ جنوبی افریقہ میں فٹبال ورلڈ کپ کا فائنل کون جیتے گا۔

default

بابا اکٹوپس شہرت کی بلندیوں پر

بہت زیادہ شہرت اختیار کر جانے والے اورجرمنی کے ایک ایکیوریم میں رکھے گئے پاؤل نامی Oracle Octopus نے یہ پیشین گوئی کر دی ہے کہ فائنل میچ میں سپین، ہالینڈ کی ٹیم کوشکت دے کر پہلی بار فٹبال کا عالمی چمپیئن بن جائے گا۔

پاؤل نامی یہ آکٹوپس جرمنی میں بلکہ دنیا بھر میں گزشتہ دو سال کے دوران انتہائی حد تک شہرت اختیار کر چکا ہے اور اب تک ورلڈ کپ میچوں کے نتائج کے حوالے سے اس کی ایک دو کے سوا سبھی پیشین گوئیاں سچ ثابت ہوئی ہیں۔

Symbolbild FIFA WM-Endspiel 2010

آکٹوپس کی پیشین گوئی فائنل میچ میں، سپین ہالینڈ کی ٹیم کوشکت دے گا۔

جرمن ٹیم کے مداحوں کے لئے وہ لمحے انتہائی مایوسی کا باعث بنے، جب پاؤل نامی معروف آکٹوپس نے سپین کو دوسرے سیمی فائنل میں جرمنی کے خلاف سپین کو فاتح قرار دے دیا تھا ۔ اسی طرح شہرChemnitz کے چڑیا گھرمیں بھی لیون نامی ایک خارپشت سے جرمنی اور سپین کے سیمی فائنل کی پیشین گوئی کروائی گئی تھی۔ اس نے بھی سپین کو ہی اس میچ کا فاتح قرار دیا تھا۔

اور جرمنی کی سپین کے ہاتھوں شکست کے بعد یہ پیشین گوئی بالکل صحیح ثابت ہوئی ۔ جرمن کوچ یوآخم لوو نے اس میچ سے پہلے کہا تھا کہ سپین نے اس بار ایک الگ حکمت عملی اپنائی ہے۔ لوو کا کہنا تھا کہ کہ گزشتہ برسوں کے دوران سپین کے کھلاڑی ایک منظم ٹیم کے طور پر ابھرے ہیں۔ جارحانہ کھیل کے معاملے میں اس ٹیم کا کوئی جواب نہیں ہے اور سپین کے موجودہ کھلاڑیوں کو ایک ٹیم کے طور پر مل کر کھیلنے کا بھی تجربہ ہے۔ان کے اس بیان کو سپین کے کھلاڑیوں نے جارحانہ کھیل کا مظاہرہ کر کے ثابت بھی کر دیا ۔

WM Fußball Weltmeisterschaft Deutschland Spanien Fans

جرمن ٹیم کی شکست مداحوں کے لئے انتہائی مایوسی کا باعث بنی

بہرحال یہ بات اب واضح ہے کہ فٹبال کا عالمی کپ یورپ میں ہی رہے گا۔ سپین میں نہ صرف اپنی ٹیم کی سیمی فائنل میں کامیابی پر تاریخی رسائی پر خوشیاں منائی جا رہی ہیں بلکہ آج جب عالمی شہرت یافتہ آکٹوپس پاؤل نےایک بار پھر سپین کے حق میں فیصلہ دیا ہے تو ان کی خوشیاں دوبالا ہو گئی ہیں عالمی فٹبال کپ کے آغاز سے ہی پاؤل کی تمام قیاس آرائیاں درست ثابت ہوہیں ہیں۔

یاد رہےکہ 2008ء میں ہونے والی پورپی چیمپیئن شپ کے فائنل میں بین الاقوامی سطح پر مشہور’آکٹوپس بابا‘ نے جرمنی کے حق میں فیصلہ دیا تھا لیکن اس میچ میں سپین کوکامیابی حاصل ہوئی تھی۔ تاہم اس مرتبہ جرمن ٹیم کے مقابلے میں آکتوپس بابا کی سپین کی فتح سے متعلق پیشین گوئی سچ ثابت ہوئی۔

رپورٹ : عصمت جبیں

ادارت : سائرہ حسن شیخ

DW.COM