1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

فوج تامل باغیوں کے گڑھ میں داخل: سری لنکا

سری لنکا کی وزارت دفاع کے ترجمان کے مطابق سرکاری فوجیں تامل باغیوں کے گڑھ تصور کئے جانے والے علاقے کِلیوچچی میں داخل ہو گئی ہیں۔

default

اس فائل فوٹو میں سری لنکا فوجی اہلکار تامل باغیوں کے خلاف کارروائی کرتے ہوئے

سری لنکا کے صدر کے ترجمان نے بھی جمعہ کو خبررساں اداروں کو بتایا کہ سرکاری افواج دو مختلف علاقوں سے کِلیوچچی میں داخل ہو گئی ہیں اور اب وہاں باغیوں سے دوبدو لڑائی جاری ہے۔ ذرائع کا کہنا ہے کہ حکومت کی جانب سے باغیوں کے خلاف جنگ کے حوالے سے جلد کوئی اہم اعلان متوقع ہے۔

Kämpfe in Sri Lanka

ایک تامل باغی

ایک فوجی عہدیدار نے نام ظاہر نہ کرنے کی شرط پر بتایا کہ سرکاری افواج باغیوں کے مرکز پر قبضہ کر چکی ہیں اور اب وہاں حتمی تلاشی کا سلسلہ جاری ہے۔ تامل باغیوں کی جانب سے اب تک اس خبر کی تصدیق یا تردید کے حوالے سے کوئی بیان سامنے نہیں آیا۔

سری لنکا کی سرکاری افواج اور تامل باغیوں کے درمیان گزشتہ 25 سال سے جاری لڑائی میں اس سال اس وقت تیزی دیکھنے میں آئی تھی جب سرکاری افواج نے باغیوں کے زیر قبضہ کئی علاقوں پر پے درپے کامیابیاں حاصل کیں۔