1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

فوجی بغاوت کا کوئی امکان نہیں، گیلانی

پاکستانی وزیراعظم یوسف رضا گیلانی نے ملک میں وسط مدتی انتخابات کے انعقاد یا کسی فوجی بغاوت کے تمام تر امکانات کو مسترد کر دیا ہے۔ انہوں نے یہ بات قومی اسمبلی کے ایک اجلاس کے دوران کہی۔

default

پاکستانی وزیر اعظم یوسف رضا گیلانی

وزیراعظم یوسف رضا گیلانی نے آج منگل کو ملکی پارلیمان کے ایوان زیریں سے اپنے خطاب میں ایک مرتبہ پھر ایسی تمام افواہوں اور مبینہ امکانات کی تردید کی کہ ان کی قیادت میں موجودہ وفاقی حکومت اپنی مدت پوری نہیں کر سکے گی۔ گیلانی نے ارکان پارلیمان کو بتایا کہ ان کی حکومت اپنی آئینی مدت پوری کرے گی اور اس کے خلاف کوئی بھی ممکنہ سازش کامیاب نہیں ہو گی۔

یوسف رضا گیلانی کا یہ بیان اُس وقت سامنے آیا ہے، جب پاکستانی ذارئع ابلاغ میں ایسی خبریں مسلسل گردش میں ہیں کہ صدر آصف علی زرداری کی دوسری مدت صدارت سے قبل ہی اپوزیشن جماعتیں ملک میں قبل از وقت عام انتخابات کا مطالبہ کر سکتی ہیں۔ آصف علی زرداری کی موجودہ مدت صدارت 2013ء میں پوری ہو گی۔

Pakistan Präsident Asif Ali Zardari

آصف علی زرداری کی موجودہ مدت صدارت 2013ء میں پوری ہو گی

پارلیمان سے اپنے خطاب میں پاکستانی وزیر اعظم نے یہ بھی کہا کہ ملکی فوج جمہوری اقدار کا احترام کرتی ہے اور اس کی طرف سے کسی بغاوت یا مارشل لاء کے نفاذ کی کسی کاوش کی کوئی توقع نہیں۔ پاکستان میں اگرچہ موجودہ حکمران اتحاد کی عوامی مقبولیت میں کچھ کمی ہوئی ہے تاہم اسے اب بھی لازمی پارلیمانی اکثریت حاصل ہے۔

اس سے قبل بھی یوسف رضا گیلانی نے کہا تھا کہ اگرچہ حکمران اتحاد کو کچھ سیاسی چیلنجوں کا سامنا ہے تاہم اس کا مطلب یہ ہرگز نہیں کہ ان کی حکومت اپنی مقررہ مدت پوری نہیں کرے گی۔ انہوں نے کہا تھا کہ وہ پنجاب کی اہم سیاسی جماعت مسلم لیگ ن کےساتھ مصالحت کی کوششیں جاری رکھیں گے تاکہ ملک ترقی کی راہ پر گامزن ہو سکے۔

پاکستانی وزیر اعظم کے بقول ان کی جماعت پاکستان پیپلز پارٹی نے چارٹر آف ڈیموکریسی سے متعلق اپنے تمام تر وعدے وفا کئے ہیں اور مستقبل میں بھی ان کی حکومت اپنی اسی حکمت عملی پر کاربند رہے گی۔

رپورٹ: عاطف بلوچ

ادارت: مقبول ملک

DW.COM

ویب لنکس