1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

فلم نگری ممبئی کی سڑکوں پر دہشت، متعدد ہلاک

بھارتی ریاست مہاراشٹر کے دارلحکومت ممبئی میں نامعلوم مسلح افراد کی فائرنگ کے مختلف واقعات کے نتیجے میں کم از کم 80 افراد ہلاک جبکہ 250 زخمی ہوگئے ہیں۔

default

ممبئی حملوں کے بعد ریاستی پولیس گشت کرتی نظر آئی

بھارتی وزیر اعظم ڈاکٹر من موہن سنگھ نے ممبئی میں ہونے والے حملوں کی شدید الفاظ میں مزمت کرتے ہوئے ریاستی حکومت کو صورحال کا مقابلہ کرنے کے لئے مرکزی حکومت کی بھرپور مدد کا یقین بھی دلایا۔ وائٹ ہاٴوس نے بھی ممبئی حملوں کی شدید مزمت کی ہے۔

Anschläge und Schießereien in Indien Bombay

ممبئی حملوں میں زخمی ہونے والا ایک شخص

مسلح افراد کے حملوں کا ہدف اقتصادی مرکز ممبئی کے کئی مشہور ہوٹل، ریلوے سٹیشن اور گیس سٹیشن تھے۔ حکام کے مطابق موٹر گاڑیوں میں سوار مسلح افراد نے جنوبی ممبئی میں ہوٹل تاج اور اوبرائے کے باہر اندھا دھند فائرنگ شروع کردی جس سے پوری ممبئی میں دہشت کا ماحول پیدا ہوگیا ہے۔

ممبئی میں مختلف حملوں کے وقت ریاست مہاراشٹر کے وزیر اعلیٰ ولاس راٴو دیش جنوبی ریاست کیریلا کے سرکاری دورے پر تھے۔ حملوں کے پیش نظر دیش مکھ کو اپنا دورہ منسوخ کرنا پڑا۔ وزیر اعلیٰ ولاس راٴو دیش مکھ نے بھارتی نجی ٹیلی ویژن چینل سی این این۔ آئی بی این کو بتایا: ’’ صورتحال گھمبیر ہے۔ میں ممبئی کے لوگوں سے اپیل کروں گا کہ وہ اس مشکل گھڑی میں صبر وتحمل کا مظاہرہ کریں۔ صورتحال کا مقابلہ کرنے کے لئے اگر ضرورت پڑی تو فوج کو بھی طلب کیا جائے گا۔ ہم نے فوج کو چوکس رہنے کے لئے کہا ہے۔‘‘

رواں برس مئی کے مہینے سے جے پور، احمد آباد، بنگلور اور نئی دہلی سمیت کئی بھارتی شہروں میں سلسلہ وار بم حملے ہوئے ہیں، جن میں مجموعی طور پر سینکڑوں افراد ہلاک ہوئے۔ مئی میں ریاست راجستھان کے دارالحکومت جے پور میں ہونے والے حملوں میں 67 افراد مارے گئے، جولائی میں بھارتی ریاست گجرات کے دارالحکومت احمدآباد میں 52 افراد ہلاک ہوئے جبکہ نئی دہلی اور بنگلورکے حملوں میں بھی متعدد افراد جاں بحق ہوگئے۔