1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

فلسطينی رياست کو اقوام متحدہ سے تسليم کرانے کی تيارياں

فلسطينی دريائے اردن کے مغربی کنارے، مشرقی يروشلم اور غزہ کی پٹی پر اپنی ايک آزاد رياست قائم کرنا چاہتے ہيں۔ يہ سب علاقے اسرائيل کے قبضے ميں ہيں۔

فلسطينی صدر محمود عباس

فلسطينی صدر محمود عباس

قياس ہے کہ پير 19 ستمبر کو نيويارک ميں شروع ہونے والے اقوام متحدہ کے عام اجلاس ميں فلسطينی خود مختار انتظاميہ کے صدر محمود عباس اقوام متحدہ کی طرف سے ايک فلسطينی رياست کو تسليم کرنے کی قرار داد پيش کريں گے۔

فلسطينی خود مختار انتظاميہ کی حکمران پارٹی فتح کے رکن ہُسام زوملوت کا کہنا ہے کہ ايک فلسطينی رياست کو اقوام متحدہ سے تسليم کرانے کے ساتھ تاريخ کا ايک نيا باب شروع ہو گا: ’’ہم بين الاقوامی برادری کے مکمل رکن بننا چاہتے ہيں۔ ہم دنيا ميں عليحدہ اور کنارے پر نہيں پڑے رہنا چاہتے۔‘‘

39 سالہ زوملوت بہت فعال دکھائی ديتے ہيں۔ وہ فتح پارٹی کے بين الاقوامی تعلقات کے کميشن کے سربراہ ہيں۔ اُن کا کہنا ہے کہ وہ ان دنوں اقوام متحدہ ميں ايک آزاد فلسطينی رياست کو تسليم کرانے کے عظيم منصوبے کی تشہير کے ليے ’کرہء ارض کے ہر جاندار سے مکالمت ميں مصروف ہيں: ’’اب اس کا وقت آ گيا ہے۔ يہ ہمارا وقت ہے، جيسا کہ حال ہی ميں ليبيا ميں، چند مہينے قبل مصر ميں اور اميد ہے کہ شام اور ہمارے ارد گرد کے تمام عرب ملکوں ميں۔ يہ ہمارا دور ہے، يہ آزادی کے ساتھ ہمارے پروقار تعارف کا وقت ہے کہ ہم اپنی قسمت کا فيصلہ خود کر سکيں اوراس نا انصافی اور قبضے کا خاتمہ کر ديں۔‘‘

اقوام متحدہ ميں فلسطينی رياست کی رکنيت کے ليے مظاہرے کے دوران ايک کارکن کا صحافيوں سے خطاب

اقوام متحدہ ميں فلسطينی رياست کی رکنيت کے ليے مظاہرے کے دوران ايک کارکن کا صحافيوں سے خطاب

فلسطين کی آزادی کے پر جوش منصوبوں سے محمد شتايے کا تعلق اور بھی زيادہ قريبی ہے۔ وہ فتح پارٹی کی مرکزی کميٹی کے رکن اور اقوام متحدہ سے فلسطين کی آزاد رياست کو تسليم کرانے کے عظيم منصوبے کی خصوصی ٹيم ميں شامل ہيں۔ وہ وزير تعميرات بھی رہ چکے ہيں اور رملّہ ميں حکومتی اور سرکاری عمارات، وزارتوں اور محکموں کے دفاتر اور ہيلی کاپٹر اترنے کی جگہوں کی تعمير کی منصوبہ بندی ميں سرگرمی سے مصروف ہيں۔

شاتيے نے کہا کہ اگرچہ يہ تمام تعميرات اس وقت رملّہ ميں کی جا رہی ہيں، ليکن ہم نے جرمنی کی مثال سے يہ سيکھا ہے۔ جرمنی ميں بھی بون عارضی دارالحکومت تھا اور جب جرمنی دوبارہ متحد ہو گيا تو دارالحکومت برلن منتقل کر ديا گيا۔ اسی طرح يہاں رملّہ ميں يہ ايک عارضی حل ہے۔ جيسے ہی ہميں يروشلم واپس ملا ہم دارالحکومت يروشلم منتقل کر ديں گے اور رملّہ ميں يہ عمارات دوسرے سرکاری اداروں اور اقوام متحدہ کے اداروں کے حوالے کر ديں گے۔

رملّہ اور يروشلم کے درميان قلندريہ کے چيک پوائنٹ پر فلسطينيوں اور اسرائيلی فوجيوں کی جھڑپ

رملّہ اور يروشلم کے درميان قلندريہ کے چيک پوائنٹ پر فلسطينيوں اور اسرائيلی فوجيوں کی جھڑپ

عالمی برادری نے ايک آزاد رياست کے قيام کے لیے فلسطينيوں کی بہت حوصلہ افزائی کی ہے۔ ايک سال قبل، ستمبر سن 2010 ميں امريکی صدر اوباما نے جنرل اسمبلی ميں کہا تھا کہ اگلے سال جب ہم يہاں دوبارہ مليں گے تو ہو سکتا ہے کہ ايک آزاد فلسطينی رياست کے اقوام متحدہ کا رکن بننے کا معاہدہ ہو چکا ہو۔

 

 

رپورٹ: سباستيان اينگل بريشت، تل ابيب / شہاب احمد صديقی

ادارت: افسر اعوان

 

DW.COM