1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

فرانس کے آئندہ صدرِ مملکت نکولا سارکوزی

نکولا سارکوزی نے فرانس کے آئندہ صدرِ مملکت کے طور پر اپنے انتخاب کے بعد عوام سے متحد ہو جانے کی اپیل کی ہے۔سابق وزیر داخلہ نے زور دے کر کہا کہ وہ کسی استثنا کے بغیر تمام فرانسیسیوں کے صدر ہوں گے۔

فرانس کے نو منتخب صدرِ مملکت نکولا سارکوزی

فرانس کے نو منتخب صدرِ مملکت نکولا سارکوزی

قدامت پسند جماعت UMP کے چیئرمین نے یورپ میں اصلاحات کے عمل کےلئے اپنی حمایت پر زور دینے کے ساتھ ساتھ امریکہ کو بھی یقین دلایا کہ وہ ہمیشہ فرانس کی دوستی پر تکیہ کر سکتا ہے۔

ابتدائی نتائج کے مطابق سارکوزی کو اتوار 6 مئی کو منعقدہ دوسرے اور حتمی انتخابی مرحلے میں 53 فیصد ووٹ ملے جبکہ اُن کی سوشلسٹ حریف اُمیدوار خاتون سیگولین رویال تقریباً سینتالیس فیصد ووٹ حاصل کر پائیں۔

دُنیا بھر کے سربراہانِ مملکت و حکومت نے سرکوزی کو اِس انتخابی کامیابی پر مبارکباد کے پیغامات روانہ کئے ہیں۔ وفاقی جرمن چانسلر انگیلا میرکل نے ٹیلی فون پر سارکوزی کے ساتھ اِس بات پر اتفاقِ رائے کیا کہ دونوں ملکوں کے قریبی اشتراکِ عمل کو اور زیادہ فروغ دیا جائے گا۔