1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

فرانس میں چاقو حملہ، دو خواتین ہلاک

فرانس کے جنوبی شہر مارسے کے مرکزی ریلوے اسٹیشن پر ایک شخص نے چاقو سے حملہ کر کے دو افراد ہلاک کر دیا ہے۔ ہلاک ہونے والی دونوں خواتین ہیں۔

خبر رساں ادارے اے ایف پی کے مطابق چاقو سے حملہ کرنے والے اس شخص کو کچھ دیر بعد ہی وہاں گشت کرنے والے فوجیوں نے گولی مار کر ہلاک کر دیا۔ علاقائی پولیس کے سربراہ اولیور ڈی میزیئر نے اے ایف پی کو بتایا، ’’دو متاثرین کو چاقو کے وار کر کے ہلاک کر دیا گیا۔‘‘ یہ واقعہ آج اتوار یکم اکتوبر کو دن 1:45 پر پیش آیا۔

مقامی مستغیث زاویئر ٹیرابو کے مطابق چاقو سے مسلح اس شخص کو فوجیوں نے گولی مار کر ہلاک کر دیا۔ پولیس نے لوگوں کو سینٹ چارلس اسٹیشن کے علاقے سے دور رہنے کی ہدایت کی ہے۔ پولیس کی طرف سے بتایا گیا تھا کہ اس علاقے کو بند کر کے آپریشن کیا جا رہا ہے۔

فرانسیسی دفتر استغاثہ نے بتایا ہے کہ تفتیشی عمل کے دوران اس حملے کے دیگر دہشت گرد تنظیموں کے ساتھ مممکنہ رابطے پر بھی فوکس کیا جائے گا۔ پولیس نے اس حملے کی تفتیش ایک دہشت گردانہ کارروائی کے طور پر بھی کر رہی ہے۔

Symbolbild - Antiterroreinheit Frankreich

حملہ آور کو فوجیوں نے گولی مار کر ہلاک کر دیا۔

عینی شاہدین کے مطابق حملہ آور نے چاقو کے وار کرنے سے قبل ’اللہ اکبر‘ کا نعرہ بھی لگایا تھا۔ اُدھر فرانسیسی وزیر داخلہ جیرارڈ کولمب فوری طور پر جائے واردات کے لیے روانہ ہو گئے ہیں۔