1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

فرانس میں مسجد کے باہر فائرنگ، آٹھ افراد زخمی

جنوب مشرقی فرانسیسی شہر اوینی یوں میں گزشتہ روز رات گئے ایک مسجد کے سامنے ہونے والی فائرنگ میں آٹھ افراد زخمی ہو گئے ہیں۔ فرانسیسی دفتر استغاثہ نے تاہم اس واقعے میں دہشت گردی کو خارج از امکان قرار دے دیا ہے۔

پراسیکیوٹر آفس کا کہنا ہے کہ جائے وقوعہ سے حاصل ہونے والی ابتدائی معلومات کے مطابق گزشتہ رات ساڑھے دس بجے مسجد کے قریب دو افراد ایک کار سے اترے اور فائرنگ شروع کر دی۔ زخمی ہونے والے آٹھ افراد میں ایک لڑکی بھی شامل ہے تاہم دفتر استغاثہ کا کہنا ہے کہ تمام زخمی خطرے سے باہر ہیں۔

 استغاثہ نے اپنے بیان میں یہ بھی کہا کہ اُس کی معلومات کے مطابق اس واقعے میں ٹارگٹ مسجد نہیں تھی۔ عینی گواہوں کا کہنا ہے کہ گاڑی میں چار افراد سوار تھے اور سب نے سروں پر ٹوپیاں چڑھا رکھی تھیں۔ علاقے میں جرائم کے تفتیش کار محکمے نے اس مقدمے کا چارج سنبھال لیا ہے۔

 اس سے قبل پیرس کے جنوب مشرقی علاقے کی کارٹیل مسجد کے باہر بھی ایک شخص نے اپنی کار مسجد سے نکلنے والے نمازیوں پر چڑھانے کی کوشش کی تھی۔ بعض مسلمانوں نے گزشتہ رات ہونے والی فائرنگ کو حملہ قرار دیتے ہوئے فرانسیسی حکام سے مطالبہ کیا ہے کہ عبادت کی جگہوں کو تحفظ فراہم کیا جائے۔

DW.COM