1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

فرانس اور کویت کے درمیان دفاعی معاہدہ

فرانس اور کویت نے ایک دفاعی معاہدے پر دستخط کر دئے ہیں۔ اس معاہدے کے تحت فرانس کویت کے ساتھ دفاعی شعبے میں تجارت کا آغاز کرے گا۔

default

پیرس میں بدھ کے روز معاہدے پر دستخط کے بعد کویت کے وزیر دفاع شیخ جابر مبارک الاحمد الصباح نے کہا کہ اس معاہدے سے دونوں ملکوں کے درمیان اسٹریٹیجک تعاون کے لئے فضا سازگار ہوگی۔ الصباح نے مزید کہا کہ کویتی اور فرانسیسی مسلح افواج میں تعاون کے لئے سن 1992 میں طے پانے والے معاہدے کو بھی نئے معاہدے سے تقویت ملے گی۔

پیرس میں اس معاہدے کی تقریب دستخط کے موقع پر فرانسیسی وزیردفاع ہیرو موریں کا کہنا تھا:’’ فرانس خطے میں واپس جا رہا ہے۔ موجودہ عالمی صورتحال میں خلیج فارس کی اہمیت بہت بڑھ چکی ہے۔‘‘

فرانسیسی وزیردفاع نے یہ بھی کہا کہ ایران کے ایٹمی پروگرام کے باعث پورے خلیج فارس میں عدم استحکام کی صورتحال ہے اورکویت کو ایرانی جوہری پروگرام پر شدید بے چینی ہے۔

گزشتہ کچھ عرصے میں پیرس نے خلیجی ممالک سے اپنے تعلقات میں کافی قربت پیدا کی ہے۔ رواں برس مئی میں فرانسیسی صدر نکولا سارکوزی نے متحدہ عرب امارات میں فرانس کے ایک مستقل فوجی اڈے کا افتتاح کیا تھا۔

فرانسیسی وزیردفاع نے کہا کہ اس فوجی اڈے سے ظاہر ہوتا ہے کہ فرانس خطے میں امن اور استححکام کے لئے پوری طرح مستعد ہے۔

رپورٹ : عاطف توقیر

ادارت : گوہرنذیر