1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

فارمولا ون موٹر ریسنگ: موناکو میں جینسن بٹن کی فتح

امسالہ فارمولا ون موٹر ریسنگ کی عالمی چیمپئین شپ کے لئے اتوار کے روز مونٹی کارلو کے سٹی سرکٹ میں ہونے والی موناکو گراں پری نامی ریس برطانیہ سے تعلق رکھنے والے براؤن مرسیڈیز ٹیم کے نوجوان ڈرائیور جینسن بٹن نے جیت لی۔

default

بٹن: موجودہ سیزن میں اب تک باقی سب سے آگے

اس دوڑ میں دوسرے نمبر پر جینسن بٹن ہی کے ساتھی اور براؤن مرسیڈیز ٹیم کے برازیل سے تعلق رکھنے والے تجربہ کار ڈرائیور روبن باری چیلو رہے۔

تیسری پوزیشن فن لینڈ سے تعلق رکھنے والے اٹلی کی فیراری ٹیم کے ڈرائیور کیمی رائیکونن نے حاصل کی اور انہی کے برازیل سے تعلق رکھنے والے ساتھی ڈرائیور فیلیپے ماسا چوتھے نمبر پر رہے۔

Aerodynamik Streit Ross Brawn Teamchef von Brawn GP

براؤن جی پی ٹیم کے سربراہ رَوس براؤن

فارمولا ون موٹر ریسنگ کی امسالہ عالمی چیمپئین شپ میں حصہ لینے والے ڈرائیوروں میں سے اب تک برطانوی ڈرائیور جینسن بٹن ہی اپنے 51 پوائنٹس کے ساتھ مجموعی طور پر باقی تمام ڈرائیوروں سے آگے ہیں۔

دوسرے نمبر پر برازیل کے روبن باری چیلو ہیں جن کے پوائنٹس کی تعداد 35 بنتی ہے جبکہ تیسری پوزیشن پر ریڈ بل ٹیم کے جرمنی سے تعلق رکھنے والے ڈرائیور سیباستیان فیٹل ہیں جو اب تک 23 پوائنٹ حاصل کرچکے ہیں۔

فارمولا ون میں اپنی موٹر گاڑیاں تیار کرنے والی مختلف ٹیموں اور چیمپئین شپ میں شامل کنسٹرکٹرز میں سے موناکو گراں پری کے بعد براؤن مرسیڈیز کی ٹیم 86 پوائنٹس کے ساتھ پہلے، ریڈ بل رینو کی ٹیم 42.5 پوائنٹس کے ساتھ دوسرے اور ٹویوٹا کی ٹیم 26.5 پوائنٹس کے ساتھ تیسرے نمبر پر ہے۔

فورس انڈیا مرسیڈیز فارمولا ون مقابلوں میں حصہ لینے والی وہ واحد ٹیم ہے جس کے ڈرائیور اب تک ہونے والی دوڑوں میں کوئی ایک بھی پوائنٹ حاصل کرنے میں ناکام رہے ہیں۔