1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

غلاف کعبہ تبدیل کر دیا گیا

بیس لاکھ سے زائد عازمین حج آج میدان عرفات میں جمع ہیں۔ وقوف عرفات کے موقع پر آج خانہ کعبہ کا غلاف تبدیل کیا گیا ہے۔ اس غلاف پر کشیدہ کاری کے ذریعے سونے کی تاروں سے قرآنی آیات تحریر کی گئی ہیں۔

مسلمانوں کے مقدس ترین مقام خانہ کعبہ کے غلاف کی تیاری میں 150 کلو خالص سونا اور خالص ریشم کا استعمال کیا گیا ہے۔ دوسری طرف حجاج کرام آج اسلامی مہینے ذی الحج کی نو تاریخ کو مکہ مکرمہ کے مضافات میں واقع میدان عرفات میں جمع ہیں جہاں مسجد نمرہ میں خطبہ حج دیا جا رہا ہے۔ تمام حاجیوں کے لیے میدان عرفات میں قیام اور خطبہ سننا لازمی ہے کیونکہ اس کے بغیر کسی شخص کا حج ادا نہیں ہوتا۔

Mekka Pilger auf dem Berg Arafat (REUTERS)

حجاج غروب آفتاب تک میدان عرفات میں ہی وقوف کریں گے

حجاج غروب آفتاب تک میدان عرفات میں ہی وقوف کریں گے اور پھر نماز مغرب ادا کیے بغیر ہی میدان عرفات سے مزدلفہ روانہ ہوں گے جہاں پہنچ کر مغرب اور عشاءکی نمازیں اکٹھی ادا کریں گے۔ رات کھلے آسمان تلے بسر کریں گے اور پھر کل صبح مزدلفہ میں نماز فجر کے بعد سنت ابراہیمی پر عمل کرتے ہوئے جانور قربان کریں گے اور بعد ازاں شیطان ماریں گے اور طواف کعبہ کے بعد رات بسر کرنے کے لیے واپس مِنٰی پہنچ جائیں گے۔

Haddsch Pilgerfahrt Mekka | Afghanische Pilgerer (DW/Hiwad)

حجاج آج رات مزدلفہ میں رات بسر کرنے کے بعد کل واپس مِنیٰ پہنچ جائیں گے

سعودی حکومت نے سکیورٹی اور حاجیوں کی مدد کے لیے قریب ایک لاکھ اہلکار تعینات کیے ہیں۔