1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

غزہ میں ایندھن اور امداد کی اجازت: اسرائیل

اسرائیلی حکومت نے کہا ہے کہ وہ غزہ پٹی کی طرف جانے والی سرحدی گذرگاہوں کی ناکہ بندی کو آج منگل کے روزسے نرم کرے گی اور حماس کے زیر کنٹرول اس علاقے میں امداد‘ ادویات‘ ایندھن اور دیگر ضروری اشیاءپہنچانے کی اجازت بھی دے گی۔

default

اسرائیلی حکام نے تاہم خبردار کیا کہ اگر فلسطینی انتظامیہ کے علاقوں سے عسکریت پسندوں کی طرف سے اسرائیلی علاقوں پر پھر سے راکٹ داغے جائیں گے تو اس صورت میں سرحدی پابندیاں دوبارہ سے عائد کی جائیں گی اور ضروری اشیاءکی سپلائی بھی کاٹ دی جائے گی۔

اس سے قبل مصری صدر حسنی مبارک نے اسرائیلی وزیر اعظم ایہود اولمرٹ کو خبردار کیا تھا کہ غزہ کی ناکہ بندی سے وہاں کے لوگوں کو شدید مشکلات پیش آرہی ہیں۔یورپی یونین نے بھی اسرائیل کے اس اقدام کی مزمت کی تھی۔