1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

عراقی شہر کرکوک میں دھماکہ، 72 افراد ہلاک

عراقی شہر کرکوک کے جنوب میں ایک شیعہ مسجد کے باہر ٹرک بم حملے کے نتیجے میں کم از کم 72 افراد ہلاک اور تقریباً 200 زخمی ہوگئے ہیں۔ گذشتہ دو ماہ کے اندر یہ عراق میں اپنی نوعیت کا سب سے خطرناک حملہ تھا۔

default

کرکوک بم دھماکے کے بعد ملبے سے لاشوں کی تلاش

پولیس حکام کے مطابق یہ حملہ اس وقت ہوا جب لوگ ایک مسجد سے نماز ظہر کے بعد باہر آرہے تھے۔ حکام اور عینی شاہدین کے مطابق اس حملے میں مسجد کے علاوہ اردگرد کے کئی مکانوں کو بھی نقصان پہنچا ہے۔

Großbritannien Irak Soldat bei Basra Tschüß

عراقی شہر بصرہ میں تعینات ایک برطانوی فوجی اہلکار

ٹرک بم حملے کے بعد بچاوٴ اور راحت کاری کی ٹیمیں ملبے تلے دبے لوگوں کو نکالنے کے کام میں مصروف ہیں۔ امریکی فوج کا کہنا ہے کہ اس نے جائے وقوعہ پر جنریٹر کے ذریعے بجلی اور اس کے علاوہ پانی کا انتظام بھی کیا ہوا ہے تاکہ بچاوٴ کارروائی میں مدد مل سکے۔

ذرائع نے ہلاک شدگان کی تعداد میں اضافے کا خدشہ ظاہر کیا ہے۔ ہسپتال اور پولیس ذرائع نے اپنا نام ظاہر نہ کرنے کی شرط پر بین الاقوامی خبر رساں اداروں کو بتایا کہ ملبے سے مزید لاشیں مل رہی ہیں۔ حکام نے پولیس کو دھماکے کے بارے میں اطلاعات فراہم کرنے سے منع کررکھا ہے۔

عینی شاہدین نے بتایا کہ دھماکے کے نتیجے میں ملبے کے نیچے دبنے سے بھی کئی ہلاکتیں ہوئی ہیں۔