1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

عبدالرزاق آؤ‎ٹ ، اظہر محمود ان

آل راؤ‎نڈر عبدالرزاق گھٹنے میں چوٹ کی وجہ سے ورلڈ کپ نہیں کھیل سکیں گے۔ پاکستان کرکٹ بورڈنے اظہر محمود کو ان کی جگہ ٹیم میں شامل کیا ہے۔

عبدالرزاق فلو کی وجہ سے ورلڈ کپ کے لئے لگائے گئے ٹریننگ کیمپ میں باقاعدگی سے شرکت نہیں کر سکے تھے۔ کیمپ کے آخری روز جب وہ ٹریننگ کے لئے آئے تو گھٹنے کی انجری کا شکار ہو گئے۔ ان کے گھٹنے پر پلاسٹر چڑھا دیا گیا ہے۔ اسوجہ سے وہ اب تین ہفتے تک کرکٹ نہیں کھیل سکیں گے۔

عبدالرزاق کی عدم دستیابی کی وجہ سے پاکستان کرکٹ بورڈنے پانچ ریزرو کھلاڑیوں میںشامل اظہر محمود کو ٹیم میں شامل کر لیاہے۔ اظہر محمود اب تک 142ون ڈے میچوںمیں پاکستان کی نمائندگی کر چکے ہیں۔ اس سے قبل وہ 1999 اور 2003 میں کھیلے گئے ورلڈ کپ میں پاکستان کی ٹیم میں شامل تھے۔