1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

عامر خان اور فرح خان 10 برس بعد پھر یکجا

بالی وڈ کی کامیاب ترین خاتون فلمساز فرح خان دس سال کے وقفے کے بعد ایک بار پھر عامر خان کے ساتھ کام کرنے کی تیاریاں کر رہی ہیں۔ انہیں عامر خان نے اپنی فلم’ Delhi Belly‘ کے ایک گیت پر رقص بندی کی دعوت دی ہے۔

default

اب جبکہ فرح خان اپنی فلم ’تیس مار خان ‘ کی فلم سازی سے فارغ ہو چکی ہیں، یہ خبریں عام ہو رہی ہیں کہ بالی وڈ کی یہ کامیاب فلمساز ایک بار پھر کوریوگرافی کے شعبے میں سرگرم ہو رہی ہیں۔

عامر خان کے ساتھ دس سال کے طویل عرصے کے بعد پیشہ ورانہ سطح پر یکجا ہونے کی تصدیق خود فرح خان نے بھی کی ہے۔ تاہم فرح خان سے جب یہ پوچھا جاتا ہے کہ کیا اس کا مطلب یہ لیا جائے کہ انہوں نے بالی وڈ میں اپنی اصل شناخت یعنی کوریوگرافی کی طرف واپس لوٹ جانے کا فیصلہ کیا ہے تو ان کا جواب نفی میں ہوتا ہے۔ وہ کہتی ہیں کہ اب وہ کوریوگرافی کی طرف زیادہ سرگرم نہیں ہیں تاہم چند ایک فلموں کے گیتوں کے لیے وہ اب بھی رقص بندی کروانے میں مصروف ہیں۔

Bollywood Schauspieler Amir Khan

عامر خان کی خواہش پر فرح خان طویل عرصے بعد ان کے ساتھ کام کریں گی

فرح خان کے مطابق اس سال عامر خان کے کہنے پر وہ ان کی فلم کے ایک گیت کے علاوہ وہ اپنے بھائی فلم سازساجد خان کی ہدایت کاری میں بنے والی فلم ’ Housefull 2‘ اور شوہر سریش کندر کی فلم ’جوکر‘ کے گیتوں کے لیے کوریوگرافی کریں گی۔اس کے بعد ان کی ساری توجہ ان کی نئی فلم کا سکرپٹ تحریر کرنے پر مرکوز ہو جائے گی۔

سیکس کے موضوع پر عامر خان کی پروڈکشن میں بنے والی نئی مذاحیہ فلم’Delhi Belly‘ گزشتہ سال ہی ابھینے دیو کی ہدایت کاری میں مکمل کی جا چکی ہے ۔ فلم میں مرکزی کردار عامر خان کے بھانجے اور معروف نوجوان اداکار عمران خان نے ادا کیا ہے اور فرح خان ان ہی پر فلمائے جانے والے گیت کی کوریوگرافی کریں گی۔کہا یہ جا رہا ہے کہ عامر خان چاہتے ہیں کہ فرح خان عمران خان پر فلمائے جانے والے رقص کے لیے ویسا ہی ساحرانہ ماحول ایک بار بھر ترتیب دیں جیسا خود عامر خان پر فلم ‘جو جیتا وہی سکندر’ کے مشہور زمانہ گیت ‘پہلا نشہ پہلا خمار’ کے لیے فرح خان نے اپنی کوریوگرافی سے ترتیب دیا تھا۔

رپورٹ: عنبرین فاطمہ

ادارت: افسر اعوان

DW.COM