1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

عامر خان آسکر کے لئے پر امید

معروف بھارتی فلم سٹارعامرخان نے کہا ہے کہ اس مرتبہ آسکر ایوارڈز کے لئے نامزد کی جانے والی ان کی نئی فلم کے ایوارڈ حاصل کرنے کے امکانات کافی روشن ہیں۔

default

بالی ووڈ کے سٹار عامر خان

’پیپلی لائیو‘ عامر خان کی تیسری فلم ہے جسے بھارتی فلم فیڈریشن نے آسکر ایوارڈز کی غیر ملکی فلم کی کیٹیگری کے لئے منتخب کیا ہے۔ اس فلم کی ہدایتکارہ انوشا رضوی کےمطابق اس میں اُن تمام لوازمات کا خیال رکھا گیا ہے، جو بین الاقوامی سطح پر کامیاب ہونے والی فلم کے لئے ضروری ہوتے ہیں۔

اس فلم میں طبقاتی کشمکش کے طور پر دیہی اور شہری زندگی کا تقابلی جائزہ پیش کرتے ہوئے ، کسانوں کی خودکشی کا مسئلہ عمدہ طریقے سے پیش کیا گیا ہے۔ ’پیپلی لائیو‘ عامر خان کی ہوم پروڈکشن ہے۔

فلم ناقدین کا خیال ہے کہ عامرخان اور انوشا رضوی کی یہ کوشش 83 ویں آسکرایوارڈ کی حق دار ہے۔ بھارتی فلم فیڈریشن نے بتایا ہے کہ ’پیپلی لائیو‘ نامی یہ فلم دیگر چھبیس فلموں کے مقابلے میں بہترین فلم ہے، جو آسکر ایوارڈز کی غیر ملکی بہترین فلم کی کیٹیگری کے لئے جمع کروائی گئی تھیں۔

Aamir Khan Schauspieler Indien

عامر خان اور انوشا رضوی

اس سے قبل عامر خان کی دو فلمیں سرکاری طور پر آسکر ایوارڈز کے لئے نامزد کی گئی تھیں، جن میں ’لگان‘ اور ’تارے زمین پر‘ شامل ہیں۔ سن دو ہزار دو کے آسکر ایوارڈز میں فلم ’لگان‘ بہترین غیر ملکی فلم کی کیٹیگری میں جگہ بنانے میں کامیاب ہوئی تھی تاہم ان کی دوسری فلم ’تارے زمیں پر‘ سن دو ہزار نو کے آسکر ایوارڈ میں شارٹ لسٹ نہیں ہو سکی تھی۔

اس سے قبل بھارت فلم انڈسٹری بالی وُڈ کی دو فلمیں آسکر ایوارڈ کی بہترین غیر ملکی فلموں کی کیٹیگری کے لئے شارٹ لسٹ ہوئی تھیں، جن میں سن انیس سو اٹھاون میں محبوب خان کی بنائی ہوئی فلم ’مدرانڈیا‘ کے علاوہ سن انیس سو اناسی میں میرا نیئر کی بنائی ہوئی فلم ’سلام بمبئے‘ شامل ہیں۔

رپورٹ: عاطف بلوچ

ادارت: ندیم گِل

DW.COM