1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

عالمی کپ ہاکی 2010، پاکستانی ٹیم کا اعلان

ورلڈ کپ ہاکی ٹورنامنٹ کے لئے پاکستان کے اٹھارہ رکنی دستے کا اعلان کردیا گیا ہے۔ فل بیک ذیشان اشرف کو کپتانی کی ذمہ داری سونپی گئی ہے۔

default

ذیشان اشرف

لاہور میں قومی ٹیم کا اعلان کرتے ہوئے چیف سلیکٹر حسن سردار نے کہا کہ یہ مقابلے پاکستان کی ہاکی کے لئے نئے دور کا آغاز ثابت ہوں گے۔ انیس سو چھیاسی کے اولمپک مقابلوں میں طلائی تمغہ جیتنے والے دستے کے رکن ، حسن سردار نے کہا کہ ورلڈ کپ کے لئے بہترین دستیاب کھلاڑیوں کو منتخب کیا گیا ہے۔ انہوں نے امید ظاہر کی کہ لڑکے بہترین کھیل سے ہاکی میں پاکستان کا کھویا ہوا سنہرا دور واپس لے آئیں گے۔

ہاکی ورلڈ کپ کے مقابلے رواں ماہ کی اٹھائیس تا مارچ کی تیرہ تاریخ تک بھارت میں کھیلے جائیں گے۔ پاکستان کو گروپ بی میں رکھا گیا ہے جس میں آسٹریلیا، انگلینڈ، بھارت، جنوبی افریقہ اور اسپین بھی شامل ہیں۔

Pakistanischer Hockeyspieler Sohail Abbas

تین سو گول کرنے والے سہیل عباس

دفاعی چمپیئن جرمنی گروپ اے میں ارجنٹائن، نیوزی لینڈ، ہالینڈ ، جنوبی کوریا اور کینیڈا کے ساتھ شریک ہے۔

آئی پی ایل میں پاکستانی کرکٹرز کی عدم شمولیت کے بعد ہاکی ٹیم کے بھارت جانے سے متعلق بہت سے شکوک وشبہات نے جنم لیا تھا۔ پاکستان حکومت نے البتہ واضح کیا کہ ان مقابلوں کا بائیکاٹ نہیں کیا جائے گا۔

پاکستانی ٹیم ان کھلاڑیوں پر مشتمل ہے۔ ناصر احمد اور سلمان اکبر،گول کیپر ، زیشان اشرف کپتان ، سہیل عباس، محمد راشد، محمد عرفان، وسیم احمد، محمد عمران، فرید احمد، سجاد انور، ریحان بٹ، شکیل عباسی، عبدالحسیم خان، محمد زبیر، اختر علی، عباس حیدر اور محمد رضوان۔

پاکستان نے سولہ سال قبل ہاکی کا عالمی کپ جیتا تھا۔ پاکستان اپنا پہلا میچ روایتی حریف بھارت کے خلاف اٹھائیس فروری کو کھیلے گا۔

رپورٹ: شادی خان سیف

ادارت: عاطف بلوچ

DW.COM