1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

عالمی مالیاتی بحران کے اثرات بھارت پر بھی

عالمی مالیاتی بحران کا اثر اب بھارت پر بھی واضح طور پرنظر آنے لگ گیا ہے۔ ایک سرکاری ادارے نے کہا ہے کہ اگر یہ صورتحال برقرار رہی تو بھارت کی اقتصادی ترقی کی 9 فیصد سے گھٹ کر سات اعشاریہ چھ فیصد ہو جائے گی۔

default

بھارت میں سٹاک مارکیٹوں کی خستہ صورتحال اور سرمایا کاروں میں خوف کے احساس سے بھارتی مالیاتی منڈیاں شدید متاثر ہو رہی ہیں۔ عالمی مالیاتی بحران، بالخصوص امریکی مالی بحران کےخوف سے جمعرات کے دن ممبئی سٹاک اکسچینج دو اعشاریہ ایک ایک فی صد گر کر دس ہزار پانچ سو اکیاسی اعشاریہ چار نو پوائنٹس پر بند ہوا۔

اس سے قبل جمعرات کی صبح ممبئی سٹاک ایکسچینج ، تقریباچھہ فی صد گر کر گُزشتہ دو برسوں میں اپنی سب سے نچلی سطح پر پہنچ گیا تھا۔ تاہم بعد دوپہر مارکیٹ میں بہتری دیکھنے میں آئی۔

بھارتی وزیر خزانہ پی چدمبرم کی اس یقین دہانی کے باوجود کہ مالیاتی بحران پر قابو پانے کے لئے مزید اقدامات اُٹھائے جائیں گے، ممبئی سٹاک ایکسچینچ میں گراوٹ آگئی۔ ادھر مالی خسارے سے دوچار بھارتی نجی فضائیہ کمپنی جیٹ ائیروییز سے نکالے گئے تقریباً دو ہزار ملازمین سراپا احتجاج ہیں۔

ممبئی میں فضائیہ کمپنی کے دفتر کے باہر کچھ مُظاہرین نے جمعرات کے دن احتجاج کیا۔ ادھر ماہرین کے مطابق اگر موجودہ مالیاتی بحران پر فوری طور پر قابو نہیں پایا جاتا ہے تو بھارت کی اقتصادی ترقی کی شرح نو فی صد سے کم ہوکر سات اعشاریہ چھہ فی صد ہوجائے گی۔ اسی صورتحال میں نجی فضائی کمپنی جٹ ائیر ویز کے ملازمین کو اچانک نوکریوں سے نکال دینے کے بعد اب یہ خدشہ بھی لاحق ہو گیا ہےکہ بھارتی فضائی کمپنی ائیر انڈیا سے بھی ملازمین کو نکالنے دیا جائے گا۔

Audios and videos on the topic