1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

عالمی درجہ بندی میں پہلے نمبر کے ٹینس کھلاڑی روجر فیڈرر یونیسیف کے سفیر کے طور پر بھارت میں

اس سال ومبلڈن ٹینس ٹورنامنٹ کے فاتح روجر فیڈرر نے کرممس کے موقع پر بچوں کی بہبود کے عالمی ادارے Unicef کے سفیر کے طور پر بھارت کے سونامی آفت سے متاثرہ کاڈالورے ضلع کا دورہ کیا اور وہاں بچوں کے ساتھ کرکٹ کھیلی۔

سوئٹزرلینڈ کے سٹار ٹینس کھلاڑی Roger Federer

سوئٹزرلینڈ کے سٹار ٹینس کھلاڑی Roger Federer

جنوبی بھارتی صوبے تامل ناڈو میں کھیلے جانے والے اِس میچ کو سینکڑوں پرجوش تماشائیوں نے دیکھا۔ اِسی جگہ دو سال پہلے 26 دسمبر کو سونامی کی تباہ کن لہروں نے ہزارہا انسانوں کو موت کی نیند سلا دیا تھا اور بے شمار کو بے گھر کر دیا تھا، جن میں سے زیادہ تر بچے تھے۔

Federer نے کہا، وہ جانتے ہیں کہ بھارت میں کرکٹ کو کتنا اہم مقام حاصل ہے اور یہ کہ اُن کی کرکٹ بھی زیادہ بری نہیں ہے۔ فیڈرر کی والدہ Lynette کا تعلق جنوبی افریقہ سے ہے، جہاں کرکٹ بے حد شوق کے ساتھ کھیلی جاتی ہے۔