1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

طالبان بن لادن کی موت سے سبق سیکھیں، کرزئی

افغان صدر حامد کر زئی نے ملک میں افغان فورسز اور اتحادی فوجوں کے خلاف مصروف عمل طالبان باغیوں سے کہا ہے کہ وہ اسامہ بن لادن کی موت کے بعد اپنی مسلح مزاحمت بند کر دیں۔

default

افغان صدر حامد کر زئی

کابل سے موصولہ رپورٹوں کے مطابق صدر کرزئی نے پاکستانی شہر ایبٹ آباد میں ایک فوجی کارروائی کے دوران اسامہ بن لادن کی موت کے پس منظر میں کابل میں ایک بیان دیتے ہوئے کہا کہ القاعدہ کے رہنما اسامہ بن لادن کی موت کے بعد طالبان کو اپنی مسلح جدوجہد سے باز آ جانا چاہیے۔ صدر کرزئی کے بقول طالبان کو بن لادن کی موت سے لازمی طور پر سبق سیکھنا چاہیے۔

NO FLASH Osama bin Laden ist tot

اسامہ بن لادن جو ایبٹ آباد میں مارے گئے

صدرحامد کرزئی نے پاکستانی دارالحکومت اسلام آباد سے شمال کی طرف واقع شہر ایبٹ آباد میں امریکی فوج کے خصوصی کمانڈوز کے ایک آپریشن میں ایک جھڑپ کے دوران بن لادن کی موت کو ایک اہم خبر قرار دیا۔ حامد کرزئی نے کہا کہ اسامہ بن لادن کو ان کے اپنے ہی اعمال کے نتائج بھگتنا پڑے ہیں۔ حامد کرزئی کے بقول یہ بات طے تھی کہ بن لادن کو، جو کچھ انہوں نے کیا تھا، ایک نہ ایک دن اس کی قیمت چکانا ہی تھی۔

افغان صدر حامد کر زئی نے کابل کے صدارتی محل میں ملکی قبائلی رہنماؤں کے ایک اجلاس سے خطاب کرتے ہوئے کہا کہ امریکی خصوصی دستوں کے ہاتھوں ایبٹ آباد میں اسامہ بن لادن کی ہلاکت ایک ایسی خبر ہے جو یہ ثابت کرتی ہے کہ بن لادن کو بالآخر اس کی قیمت چکانا ہی پڑی، جو کچھ وہ کرتے رہے تھے۔ اس موقع پر ملکی ٹیلی وژن سے براہ راست نشر کیے گئے اپنے بیان میں حامد کر زئی نے یہ بھی کہا کہ طالبان کو اب اپنی مسلح مزاحمت ترک کر کے امن کا راستہ اپنانا چاہیے۔

رپورٹ: عصمت جبیں

ادارت: مقبول ملک

DW.COM