1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

سائنس اور ماحول

صرف گوشت نہیں سبزیاں بھی کھائیے: طبی ماہرین

طبی ماہرین کے مطابق گوشت کا مسلسل استعمال کئی بیماریوں کا موجب بنتا ہے۔

default

ماہرین کے خیال میں گوشت کو فریز کرنے سے پہلے اچھی طرح دھو لینا بھی کئی بیماریوں سے بچاؤ میں مددگار ہوتا ہے

پاکستان میں آغا خان یونیورسٹی سے وابستہ ڈاکٹر صائمہ حسین نے ڈوئچے ویلے سے خصوصی گفتگو میں کہا کہ عید الاضحیٰ کے موقع پرمعدے کے امراض کے ساتھ ساتھ بلڈ پریشر، اسہال، پیچش، گردوں میں درد اور جگر کی سوزش کے مریضوں کی تعداد میں اضافہ ہو جاتا ہے۔

ڈاکٹر صائمہ حسین کے مطابق اعتدال میں رہ کر اور اچھی طرح سے پکائے ہوئے گوشت کا استعمال بیماریوں سے قدرے محفوظ رکھتا ہے۔

ان کا کہنا تھا کہ بہت زیادہ درجہ حرارت پر پکائے گئے کھانے بیکٹیریا اور دوسرے جراثیموں سے بچاؤ میں معاون ثابت ہوتے ہیں۔ تاہم انہوں نے یہ بھی کہا کہ گوشت کے ساتھ ساتھ سبزیوں اور دالوں کا استعمال یکسر ترک نہیں کر دینا چاہئے۔

ڈاکٹرصائمہ حسین نے کہا کہ عید الاضحیٰ کے موقع پر پیچش، قے، معدے میں تیزابیت، جوڑوں میں درد اور گردے میں درد کے مریضوں میں اضافے کی ایک وجہ معدے میں گوشت کی زیادہ مقدار اور پوری طرح سے نہ گلا ہوا گوشت ہوتا ہے۔ انہوں نے کہا کہ گوشت کے زیادہ استعمال کے دنوں میں زیادہ پانی پینا بھی بہت سے امراض سے بچا لیتا ہے۔

ایک سوال کے جواب میں ڈوئچے ویلے کے ساتھ انٹرویو میں ڈاکٹر صائمہ حسین نے کہا کہ عام طور پر گھروں میں جن چھریوں یا چاقوؤں سے گوشت کاٹا جاتا ہے ان کوسبزی یا فروٹ کاٹنے سے پہلے ابلتے ہوئے پانی سے دھونا ضروری ہوتا ہے۔ اگر ایسا نہ کیا جائے تو بہت سے جراثیم کچی سبزیوں اور پھلوں میں منتقل ہو جاتے ہیں جن سے ہیضہ جیسے مرض لاحق ہونے کا ڈر ہوتا ہے۔

Audios and videos on the topic