1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

شیعہ اجتماعات میں خواتین کے حاملہ ہونے کا خطرہ، متنازعہ سعودی رپورٹ

عرب ممالک کے ایک مشہور اخبار نے عالمی ادارہ صحت سے منسوب ایک رپورٹ شائع کی ہے جس میں اس ادارے نے مبینہ طور پر انتباہ کیا ہے کہ کربلا جیسے مقامات پر اجتماعات میں خواتین کے ناجائز طور پر حاملہ ہونے کا خطرہ ہوتا ہے۔

عراقی حکومت نے اس رپورٹ پر شدید احتجاج کیا ہے اور الشرق الوسط اخبار سے معافی کا مطالبہ کیا  ہے۔ بغداد کا کہنا ہے کہ یہ رپورٹ ان عراقی باشندوں  کی توہین ہے جو ملک کے وقار اور دفاع کے لیے اپنی اولادوں کی قربانی دے رہے ہیں۔

یہ اخبار لندن سے چھپتا ہے لیکن یہ سعودی ریسرچ اینڈ مارکیٹنگ گروپ کی ملکیت ہے۔ اتوار کے روز اس اخبار نے اپنے فرنٹ پیج پر یہ رپورٹ لگائی تھی جس کا عنوان تھا: ’’بین الاقوامی انتباہ، کربلا میں غیر قانونی حاملہ پن کا خطرہ۔‘‘

اخبار نے عالمی ادارہ برائے صحت سے ایک رپورٹ بھی منسوب کی جس میں ادارے کے ترجمان گریگری ہارٹ کا مبینہ بیان پیش کیا گیا۔ ادارے نے اس کی پہلے ہی تردید کر دی تھی اور کہا تھا کہ اس کے نام سے اس رپورٹ کو منسوب کرنا غلط ہے۔

جرمن خبر رساں ادارے ڈی پی اے کے مطابق اس موضوع پر عالمی ادارہ برائے صحت اور الشرق الوسط سے رابطہ نہیں ہو سکا۔

اتوار کی شام تک اخبار کے آن لائن ورژن سے رپورٹ ہٹا دی گئی تھی۔