1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

شٹائن مائر اپنا گردہ بطور عطیہ دیں گے

جرمنی کی مرکزی اپوزیشن پارٹی کے اہم سیاستدان فرانک والٹر شٹائن مائر،اپنی اہلیہ کو گردہ عطیہ کر رہے ہیں۔ انہوں نے صحافیوں کو بتایا کہ وہ اس مقصد کے لئے وقتی طور پر سیاست سے علیٰحدہ ہو رہے ہیں۔

default

فرانک والٹر شٹائن مائر اپنی اہلیہ کے ہمراہ

جرمنی کی اپوزیشن پارٹی سوشل ڈیموکریٹ کے رہنما اور سابق وزیرخارجہ فرانک والٹر شٹائن مائر نے پیر کو ایک ہنگامی نیوز کانفرنس میں بتایا کہ وہ وقتی طور پرسیاسی منظر نامے پر نظر نہیں آئیں گے کیونکہ وہ اپنی اہلیہ کو گردہ عطیہ کر رہے ہیں۔

شٹائن مائر نے صحافیوں کو بتایا کہ پیر کی شام وہ ایک ہسپتال میں داخل ہو جائیں گے، جہاں وہ گردہ بطورعطیہ دینے کے لئے ضروری طبی تیاریاں شروع کریں گے۔ شٹائن مائر کی شادی کو پندرہ برس بیت چکے ہیں اور ان کی چودہ سالہ ایک بیٹی بھی ہے۔

اڑتالیس سالہ ان کی اہلیہ Elke Buedenbender ایک جج ہیں اور وہ گزشتہ کئی سالوں سے گردے کی تکلیف میں مبتلا ہیں۔ اطلاعات کے مطابق گزشتہ کچھ ہفتوں کے دوران ان کی طبعیت زیادہ خراب ہو گئی ہے۔

Bundestagswahlen 2009 Frank-Walter Steinmeier

شٹائن مائر کی اہلیہ ایک جج ہیں

شٹائن مائر نے صحافیوں کو بتایا، '' میں نے ڈاکٹروں سے مشورہ کیا ہے، ان کے مطابق صرف گردہ بطور عطیہ ملنے سے ہی میری اہلیہ کی طبعیت سنبھل سکتی ہے۔'' انہوں نے مزید کہا،'' اس لئے میں کچھ ہفتوں کے لئے سیاسی منظر نامے پر نظر نہیں آؤں گا۔''

اس سے قبل شٹائن مائر اور ان کی اہلیہ طویل عرصے تک گردہ بطورعطیہ ملنے کا انتظار کرتے رہے ہیں تاہم اب صورتحال مزید خراب ہونے کے نتیجے میں شٹائن مائر نے اپنا گردہ ہی عطیہ کرنے کا فیصلہ کیا ہے۔ 54 سالہ شٹائن مائر نے امید ظاہر کی کہ وہ اکتوبر تک دوبارہ سیاست میں لوٹ آئیں گے۔

رپورٹ: عاطف بلوچ

ادارت: ندیم گِل

DW.COM