1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

شمالی اور جنوبی کوریائی سربراہ کانفرنس کا اختتام

جنوبی کوریائی صدر نوہ مو ژُون کا سہ روزہ دَورہء شمالی کوریا اپنے اختتام کو پہنچ گیا ہے۔ اختتامی اعلامیے میں امن اور زیادہ قریبی اقتصادی اشتراکِ عمل کا عزم ظاہر کیا گیا ہے۔ دونوں رہنماؤں نے اپنی سربراہ کانفرنس میں اعتماد کی فضا تشکیل دینے اور امن قائم کرنے کے اقدامات پر اتفاقِ کیا۔

شمالی کوریائی حکمران کم ژَونگ اِل اورجنوبی کوریائی صدر نوہ مو ژُون جمعرات چار اکتوبر کو پیانگ ژانگ میں

شمالی کوریائی حکمران کم ژَونگ اِل اورجنوبی کوریائی صدر نوہ مو ژُون جمعرات چار اکتوبر کو پیانگ ژانگ میں

اعلامیے میں جنگِ کوریا کے 54 سال بعد فائر بندی معاہدے کو ایک امن معاہدے میں تبدیل کرنے کا عزم ظاہر کیا گیا ہے اور کہا گیا ہے کہ اِس موضوع پر دونوں بڑی محافظ طاقتوں امریکہ اور چین کے ساتھ بھی بات چیت کی جانی چاہیے۔

بین الاقوامی قانون کی رُو سے دونوں کوریائی ریاستیں 1953ء میں جنگ بندی کے بعد ابھی بھی حالتِ جنگ میں ہیں۔ دونوں رہنماؤں نے جزیرہ نمائے کوریا کو ایٹمی ہتھیاروں سے پاک علاقہ بنانے کے سلسلے میں اشتراکِ عمل پر بھی آمادگی ظاہر کی۔