1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

شعیب کو 7 سال سے جانتی ہوں: ثانیہ

ثانیہ مرزا نے شعیب ملک سے اپنی شادی خانہ آبادی کی خبروں پر تصدیق کی مہر لگاتے ہوئے انکشاف کیا کہ وہ شعیب ملک کو گزشتہ سات سال سے جانتی تھیں تاہم یہ نہیں بتایا کہ ان کا پاکستانی کرکٹر سے پہلی ملاقات کہاں اور کیسے ہوئی۔

default

بھارتی ٹینس سٹار نے کہا کہ وہ اور شعیب جانتے ہیں کہ ان کی شادی سب کے لئے حیران کن بات ہے، ’’مگر ہم اس موقع پر پاک، بھارت تعقات سے متعلق سیاسی بیان بازی نہیں کرنا چاہتے یہ شادی سراسر ہمارا ذاتی معاملہ ہے‘‘۔

ثانیہ نے بھارتی شہریت قائم رکھنے اور 2012 کے اولمپکس میں بھرپور شرکت کا عزم ظاہر کیا ہے۔ ثانیہ کوگزشتہ روز نئی دہلی میں پاکستانی ویزہ جاری کردیا گیا تھا۔ بعد میں ثانیا نے بھارتی حیدرآباد پہنچ کر صحافیوں کو اپنے مستقل کے بارے میں کچھ معلومات دیں۔

ان کے مطابق وہ اور شعیب ملک دونوں دبئی میں اپنا آشیانہ قائم کریں گے جو ثانیا کے بقول ان کے لئے حیدرآباد کے بعد دوسرا گھر ہے۔

Heirat Cricketspielerin Shoaib Malik und Tennisstar Sania Mirza

ثانیہ مرزا کا کہنا تھا کہ ہم پاک بھارت تعلقات کے حوالے سے سیاسی بیان بازی نہیٰں چاہتے

23 سالہ ثانیا نے اپنے گھر پر والد کے ہمراہ صحافیوں سے بات چیت کی۔ جب ثانیہ سے پوچھا گیا کہ پاکستان اور بھارت کے مابین کرکٹ میچ کے دوران وہ کس ٹیم کی جیت چاہیں گی تو بھارتی ٹینس سٹار نے کہا :'' ظاہر ہے کہ بھارت مگر میں یہ بھی چاہوں گی کہ میرا شوہر اچھی کارکردگی کا مظاہرہ کرے‘‘۔ ثانیا اور ان کے والد نے صحافیوں میں مٹھائی بھی تقسیم کی۔ جب ایک صحافی نے پوچھا انتہا پسند ہندؤں سے کیا کوئی خطرہ محسوس کیا جارہا ہے تو ثانیا نے کہا کہ مٹھائی ہاتھ میں ہوتے ہوئے ایسے سوال نہ کئے جائیں۔

ادہر پاکستان میں صحافیوں کے ساتھ ایک بیٹھک میں شعیب ملک نے کہا ہے کہ دونوں خاندان انتہائی خوش ہیں۔ ملک کے خاندان کے چھ افراد نے بھارتی ویزے کے حصول کے لئے درخواستیں جمع کرادی ہیں۔ دریں اثنا ثانیا مرزا کے سابق منگیتر سہراب مرزا کے والد عادل مرزا نے بھی شعیب اور ثانیہ کے لئے نیک خواہشات کا اظہار کیا ہے۔

رپورٹ: شادی خان سیف

ادارت : عابد حسین

DW.COM