1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

شعیب اختر کی عدالت میں طلبی

پاکستان کرکٹ بورڈ نے شعیب اختر پر بائیس کروڑ روپے کے ہرجانے کا کیس دائر کر دیا ہے ۔ پاکستان کرکٹ بورڈ کا کہنا ہے کہ شعیب اختر نے بورڈ کے چیئر مین ڈاکٹر نسیم اشرف پر بے بنیاد الزامات لگائے ہیں ۔

پاکستان کے متنازعہ فاسٹ باولرشعیب اختر متوقع طور ہفتے کے دن لاہور میں ایک عدالت میں پیش ہوں گے ، جہاں وہ پاکستان کرکٹ بورڈ کی طرف سے دائر کردہ مقدمے کا سامنا کریں گے۔ اس سے قبل پاکستان کرکٹ بورڈ کے چیئر مین ڈاکٹر نسیم اشرف کے خلاف الزمات لگانے کے بعد انہیں ایک نوٹس ارسال کیاگیا تھا تاہم مقررہ چودہ دنوں تک جواب نہ ملنے پر یہ مقدمہ درج کیا گیا۔ واضح رہے کہ پانچ سال کی پابندی کے بعد شعیب اخترنے ایک ٹیلی وژن کو دیے گئے ایک انٹرویو میں ڈاکٹر نسیم اشرف پر الزام لگایا تھا کہ وہ کھلاڑیوں سے کمشن وصول کرتے رہے ہیں۔