1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

شادی کرنی ہے، تو جرمن سیکھیں : تھائی اخبار

تھائی لینڈ میں جرمن مردوں سے شادی کر کے جرمنی منتقل ہونے والی خواتین کے لئے خصوصی جرمن کورس کا انتظام کیا گیا ہے۔ اس سلسلے میں پہلے بیج میں شامل طالبات کے لئے یہ خصوصی کورس بدھ کے روز شروع ہو جائے گا۔

default

تھائی درالحکومت بنکاک سے 350 کلومیٹر شمال مشرق میں واقع شہر خون کائین کی جامعہ کے تحت شروع کئے جانے والے اس خصوصی کورس میں جرمن زبان کے علاوہ ثقافت اور معاشرت کے بارے میں معلومات فراہم کی جائیں گی، تاکہ جرمنی منتقل ہونے والی یہ خواتین جرمن معاشرے میں بہتر طور پر انضمام کر پائیں۔

ہفتے کے روز تھائی اخبار بنکاک پوسٹ میں شائع ہونے والی ایک رپورٹ میں بتایا گیا ہے کہ ابتدائی طور پر اس کورس میں 20 طالبات نے داخلہ لیا ہے۔ یہ کورس وزارت خارجہ اور خون کائین یونیورسٹی مشترکہ طور پر شروع کر رہے ہیں۔

Schulkasse in Peking Geschichte Unterricht

جرمنی کے تازہ امیگریشن قواعد کے مطابق کوئی غیر یورپی شہری اگر جرمن شہری سے شادی کر بھی لے، تو بھی جرمن زبان سے آگہی کے بغیر اسے جرمنی میں داخلے کی اجازت نہیں دی جائے گی۔ نئے جرمن قواعد کے مطابق اپنے شوہروں یا بیویوں کے ساتھ جرمنی میں سکونت اختیار کرنے والے افراد کے لئے جرمن زبان سے بنیادی آگاہی ضروری ہے۔

ایک اندازے کے مطابق اس وقت جرمنی میں تقریبا ایک لاکھ تھائی خواتین آباد ہیں، جن میں سے تقریبا 20 فیصد ایسی خواتین ہیں، جن کے شوہر جرمن شہری ہیں۔ شمالی تھائی لینڈ سے تعلق رکھنے والی ایسی خواتین کی تعداد میں مسلسل اضافہ دیکھا گیا ہے، جن کے شوہر غیر ملکی ہیں۔

ملکی وزارت خارجہ کے مطابق جرمن زبان سے آگہی نہ ہونے کے باعث تھائی خواتین کو جرمن معاشرے میں شدید مشکلات کا سامنا کرنا پڑتا ہے اور یہ کورس ایسی خواتین کے لئے انتہائی مفید رہے گا۔

رپورٹ : عاطف توقیر

ادارت : عصمت جبیں

DW.COM

ویب لنکس