1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

سینٹ پیٹرز برگ میں بم دھماکا، 10 ہلاک

روس کے دوسرے سب سے بڑے شہر سینٹ پیٹرز برگ میں ہونے والے بم دھماکے کے نتیجے میں قریب 10 افراد ہلاک ہو گئے ہیں۔ یہ بم دھماکا سینٹ پیٹرز برگ کی زیر زمین ریلوے میں ہوا۔

ایمرجنسی سروسز نے روسی نیوز ایجنسیوں کو بتایا کہ سینٹ پیٹرز برگ کے زیر زمین ریلوے کے نظام میں ہونے والے ایک بم دھماکے کے نتیجے میں 10 کے قریب افراد ہلاک ہوئے ہیں۔ خبر رساں ادارے اے ایف پی کے مطابق قبل ازیں سینٹ پیٹرز برگ کے میٹرو نظام کی انتظامیہ کی طرف سے بتایا گیا تھا کہ ٹرین کے ایک ڈبے میں نامعلوم چیز کا دھماکا ہوا ہے۔ بعد ازاں ذرائع نے روسی نیوز ایجنسیوں کو مطلع کیا کہ ’’ابتدائی اعداد وشمار کے مطابق قریب 10 افراد ہلاک ہوئے ہیں‘‘۔

روسی نیوز ایجنسیوں نے کریملن کے ایک ترجمان دیمتری پیشکوف کے حوالے سے بتایا ہے کہ روسی صدر ولادیمیر پوٹن کو اس دھماکے کے بارے میں مطلع کر دیا گیا ہے۔ پوٹن آج اس شہر کا دورہ کرنے والے ہیں، جہاں وہ بیلا بیلاروس کے صدر سے ملاقات کریں گے۔ اس واقعے کے بعد صدر پوٹن نے ہلاک ہونے والے افراد کے لواحقین سے افسوس کا اظہار کیا ہے۔

Russland Präsident Putin in Sankt Petersburg (picture-alliance/dpa/M. Metzel)

پوٹن آج اس سینٹ پیٹرز برگ میں بیلاروس کے صدر سے ملنے والے ہیں

خبر رساں ادارے ایسوسی ایٹڈ پریس کے مطابق روس کے شمالی شہر سینٹ پیٹرز برگ کی زیر زمین ریلوے کی انتظامیہ نے بتایا تھا کہ دھماکے کے بعد کئی ایک اسٹیشن بند کر دیے گئے ہیں اور وہاں سے لوگوں کو نکالنے کا کام جاری ہے۔

اے پی کے مطابق سوشل میڈیا پر لوگوں کی طرف سے شیئر کی گئی معلومات کے مطابق یہ دھماکا شہر کے مرکز کے ایک اسٹیشن پر ہوا۔ تصاویر میں کئی ایک لوگوں کو ٹرین کے فرش پر پڑے دیکھا جا سکتا ہے جبکہ ٹرین کا ایک دروازہ دھماکے سے تباہ نظر آ رہا ہے۔