1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

سیرینا ولیمزبھی فرنچ اوپن سے باہر

فرنچ اوپن کے خواتین کے انفرادی مقابلوں کے کوارٹر فائنل میں عالمی نمبر سات Svetlana Kuznetsova کے ہاتھوں عالمی نمبر دو امریکی کھلاڑی سیرینا ویلیمز شکست کے بعد اس ایونٹ سے باہر ہوگئی ہیں۔

default

سیرینا ولیمز بھی ایونٹ سے باہر ہو گئی ہیں

Svetlana نے پیرس میں کھیلے جانے والے سال کے دوسرے گرینڈ سلیم ٹورنامنٹ کے ایک کوارٹر فائنل مقابلے میں سیرینا ویلیمز کو سات چھ، سات تین، پانچ سات اور سات پانچ سے شکست دے کر سیمی فائنل کے لئے کوالیفائی کر لیا ہے۔ سیمی فائنل میں ان کا مقابلہ سورانا کریسٹیا سے ہو گا۔

سیرینا ویلیمز کے اس ایونٹ سے خارج ہونے کے بعد عالمی نمبر ایک روسی کھلاڑی دینارا سافینا کی اس ٹورنامنٹ میں فتح کی راہ خاصی ہموار دکھائی دے رہی ہے۔ سافینا پہلے ہی سیمی فائنل تک رسائی میں کامیاب ہو چکی ہیں۔ دینارا سافینا جمعرات کے روز سلوواکیہ کی Dominika Cibulkova کی مدمقابل ہوں گی۔ تاہم فرنچ اوپن ٹینس میں ایک کے بعد ایک اپ سیٹ دیکھنے میں آ رہا ہے۔ لہٰذا سافینا کے لئے اس ایونٹ میں کامیابی بہرحال ایک چیلنج ہو گی۔

Roger Federer

راجر فیڈرر سیمی فائنل تک رسائی میں کامیاب ہو چکے ہیں

مردوں کے انفرادی مقابلوں میں عالمی نمبر تین اور پوری فارم میں نظر آنے والے برطانوی کھلاڑی اینڈی مرے بھی پیرس میں جاری ان مقابلوں سے خارج ہو چکے ہیں۔ کوارٹر فائنل میں انہیں Fernando Gonzalez نے آؤٹ کلاس کر دیا تھا۔ گونزالز نے اینڈی مرے کو چھ تین، تین چھ، چھ صفر اور چھ چار سے شکست دی۔

عالمی نمبر ایک ہسپانوی کھلاڑی رافائل نادال پہلے ہی اس ایونٹ سے باہر ہو چکے ہیں۔ تاہم عالمی نمبر دو راجر فیڈرر ابھی اس ٹورنامنٹ میں موجود ہیں۔ راجر فیڈرر سیمی فائنل میں Gael Monfils کا سامنا کریں گے۔