سیاسی جماعتیں ذمہ داری کا مظاہرہ کریں، جرمن صدر | حالات حاضرہ | DW | 20.11.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

سیاسی جماعتیں ذمہ داری کا مظاہرہ کریں، جرمن صدر

جرمنی میں حکومت سازی کے مذاکرات کی ناکامی کے بعد صدر فرانک والٹر شٹائن مائر نے سیاسی جماعتوں سے مخلوط حکومت کے قیام کو ممکن بنانے کی درخواست کی ہے۔ اس طرح  فوری انتخابات کے حوالے سے جاری قیاس آرائیوں نے دم توڑ دیا ہے۔

جرمن صدر فرانک والٹر اشٹائن مائر نے حکومت سازی کے مذاکرات کی ناکامی کے بعد تشکیل حکومت کی کوششوں کے حوالے سے سیاسی جماعتوں کو ان کی ذمہ داری یاد دلائی ہے۔ شٹائن مائر کے بقول ایسا نہیں ہو سکتا کہ نئے انتخابات کی صورت میں سیاسی جماعتوں کی ذمہ داری یوں اتنی آسانی سے ووٹرز کے حوالے کر دی جائے۔

ستمبر میں انتخابات کے بعد کسی بھی جماعت کو واضح اکثریت نہ ملنے کے بعد چار جماعتوں کے مابین یہ مذاکرات جاری تھے۔ جرمن چانسلر انگیلا میرکل کی کرسچن ڈیموکریٹک یونین (سی ڈی یو)، صوبہ باویریا میں ان کی ہم خیال جماعت کرسچن سوشل یونین، فری ڈیموکریٹک پارٹی (ایف ڈی پی) اور ماحول دوست گرین پارٹی اس مذاکراتی عمل کا حصہ تھیں۔

جرمن صدر نے مزید کہا کہ وہ جمائیکا نامی ممکنہ اتحاد میں شامل تمام جماعتوں کے سربراہوں سے خود بھی بات چیت کریں گے۔ ’جمائیکا‘ ان سیاسی جماعتوں کے جھنڈوں کے رنگوں یعنی سیاہ، زرد اور سبز رنگ کی وجہ سے دیا گیا ہے۔ کیریبیئن  ریاست جمائیکا کا پرچم ان تینوں رنگوں پر مشتمل ہے۔ شٹائن مائر کے بقول سیاسی جماعتوں کو چاہیے کہ وہ مستقل قریب میں حکومت کے قیام کو ممکن بنائیں۔

جرمنی ميں حکومت سازی کے ليے مذاکرات ناکام

جرمنی: حکومت سازی ’سیاست‘ کی نذر ہو گئی

میرکل کی مایوس کُن فتح

اس دوران چانسلر انگیلا میرکل نے کہا ہے کہ اگر نئے انتخابات ہوتے ہیں تو وہ اپنی پارٹی کی قیادت کرنے پر تیار ہیں۔ اےآر ڈی نامی ٹیلی وژن چینل پر ایک انٹرویو میں میرکل نے کہا کہ وہ صدر کی جانب سے جماعتوں کے قائدین سے ملاقات کے نتیجے کا انتظار کر رہی ہیں۔ اس دوران جرمن چانسلر نے اقلیتی حکومت کے حوالے سے اپنے تحفظات کا اظہار بھی کیا۔ میرکل نے کہا ہے کہ وہ اقلیتی حکومت سازی کی بجائے ملک میں نئے انتخابات کروانے کو ترجیح دیں گی۔  

ویڈیو دیکھیے 00:48

جرمنی: مذاکرات کی ناکامی اب کیا ہو سکتا ہے؟

 

DW.COM

Audios and videos on the topic

ملتے جلتے مندرجات